4v291o

"وهكذا نواصل الركض، كالقوارب ضد التيار، نعود بلا توقف إلى الماضي "

لطالما علمتنا الحياة ان شراء تذكرة الماضي ممكن تكلفك الكثير بل وانها من الممكن تتمادى إلى انها تكلفك نفسك.

غاتسبي من المفترض ان هالشخصية تكون من الشخصيات الخيالية الي تروى بالقصص على مر العصور والي تشوف تماثيلها عند مجتمعات الغرب، من الشخصيات الي يتغنى بها الشعار مثل عنترة و روميو، شخصية اشبه بوحي من الخيال وعدم وجوديتها بين المجتمعات.
 
فيلم رائع بطريقة سرد اكثر من رائعة و ثنائية توبي و ليوناردو كانت شيء من الخيال، اجواء الفيلم كانت استثنائية و الموسيقى المستخدمه بالفيلم كانت غير متوقعه اختيار موفق جدًا سواء من المعزوفات او من اغاني لانا.

فيلم ممتع واعتبره توصية رائعة لأي شخص ماشافه، ما اتوقع فيه كلام اكثر ممكن ينقال بدون حرق ولكن عمومًا فيلم رائع.

This review may contain spoilers.

عندما تُزال الاقنعة و تُكشف النوايا صنع لنا كيوبيريك تحفة تناولت هذا الموضوع، عرا كيوبيريك رغبات الإنسان البشعة و لغم فيلمه بتفضيح الشخصيات الهامة والكبيرة و تورطهم بهذي الاعمال القذرة و الطقوس الغريبة مثل ماشفنا قبل فترة الفضيحة الكبرى.

كل لقطة بالفيلم كان لها معنى سواء من الالوان او من الانعكاسات او من الظلال او من ترتيب الاشياء و تطول القائمة والي ما اكتفى بهذي الاشياء فقط بل كان يعتمد على نظريات لكل واحده منها فعلى سبيل المثال اعتمد نظرية يونغ للظلال و الي يوصف فيها الظل بانه الجوانب الي مايبي الشخص يظهرها للناس وسلط الضوء كيوبريك بفيلمه على الجوانب البشعة والجنسية، ايضًا اعتمد على نظرية الالوان فاللون الاحمر كان يدل على الاشياء الجنسية و اللون الاخضر كان يدل على المال والغرور اذا ماخاب ظني و ايضًا اللون البنفجسي كان له معنى، بالمختصر كيوبريك قدم تحفة عظيمة شملت تفاصيل كثيرة.

بيل الي كان يحسب انه يعرف كل شيء بهالعالم و ان كل الناس نفس تفكيره و منطقه و ان نوايا الناس نظيفة دائمًا يكتشف مع الوقت ان العالم كله يرتدي الاقنعة وشفنا بالبداية بعد النقاش الحاد الي صار بينه وبين زوجته وضحكها عليه بعدين و اعترافها له بسالفة الضابط البحري هو توضيح له ان العالم مو مثل ماتتخيله انت يا بيل.

رمزيات كثيرة كانت غير مفهومة لي ومنها التاكسي الي كنا نشوف بيل يعبر نفس الطريق بالتاكسي ولكن نشوف بيل بلقطة ثانية يعبر الطريق نفسه ولكن بسيارته الخاصة، حتى روحته الاولى للقصر كانت بالتاكسي ولكن الروحه الثانيه كانت بسيارته الخاصة ومن الطريق المعاكس للطريق الي جاء منه للمرة الاولى ايضًا شفنا انعكاس المحل الي كان يعزف فيه صديق بيل القديم على باب محل تأجير الازياء والي كنا نشوف بلقطة ثانية بيل يروح لمحل صديقة بالتاكسي بدل مايقطع المسافة القصيرة مشي وهذا الي يخليني اتسائل وش الرمزية الي ربطها كيوبريك بالتاكسي؟ هل لقطات التاكسي كانت معاكسة للواقع او انها كانت تعلمنا اننا بداخل احلام بيل، والسؤال الثاني الي يخليني اشك ان بيل كان يعيش باحلامه هو تغيير اماكن الاشياء على سبيل المثال من بداية الفيلم كنا نشوف بيل ينام على الجهة اليسرى من السرير والجهة اليمنى كانت ل اليس ولكن بالمشهد الاخير نشوف ان اليس هي الي كانت بالجهة اليمنى والقناع كان بالمكان الي كانت تنام فيه ومو بس هذا الشيء حتى مكان التلفزيون الي بالمطبخ وايضًا تغير دمى العرض الي بالمحلات كلها اشياء تخليني اشك ان الي كان يمر فيه بيل هو حلم لأن اذا ماخاب ظني فيه نظرية بعالم الافلام ان الاحلام ماتكون تطابق الواقع ف نشوف الاشياء تتغير وممكن استعمل كيوبريك هنا تغيير اماكنها، واذا كانت احلام اتوقع ان كل امرأة تحلم فيها بيل كانت تاخذ صفة من صفات اليس وهذي نظرية من انتاجي البسيط، ايضًا اغلب الشخصيات الي كنا نشوفها بالفيلم كان ينتهي الحديث معهم بشيء من الجنس و كيوبريك مافضح فقط الجنس الفطري بل انه ورانا جانب الشذوذ البشري الي شفناه بلقطتين تقريبًا الاولى كانت بالقصر لما شفنا رجل مع رجل و امرأة مع امرأة وحتى موظف استقبال الفندق الي نلاحظ عليه انه شاذ ايضًا، كيوبريك بعد قدم لنا شتى انواع الجنس القذر الي يكون داخل الاشخاص على سبيل المثال صاحب محل الازياء الي كان يتاجر ببنته القاصر، و في هذا الفيلم اتوقع ان كيوبريك عبر او فضح ما وراء الستار لبعض الاشخاص الي من الصعب انك تصفه بالشخص حتى، ايضًا على هالطاري كيوبيريك اعتمد على نظرية الاقنعة الي هي ان الجزء الظاهر من الوجه هو القناع الي تقابل فيه الاشخاص ولكن رغبات الشخص الحقيقية تكون خلف هذا القناع، بالمختصر كيوبريك ورانا القبح و البشع الي يكون خلف اقنعة بعض الاشخاص، مثل ماشفنا بلقطات كثير ومنها لما دعى الرجل الي بالحفلة اليس انها ترقص معه ونكتشف مع الوقت طريقة تفكيره وانه يقول ان الزواج هو الوسيلة الي يتخذها الشخص عشان يقدر بعدها يخون و يمارس الجنس براحته و رغبته الاخيره انه يمارس الجنس مع اليس. 

عمومًا الفيلم مليان رمزيات و مليان نظريات ولو يجي واحد يسألني هل فهمت الفيلم؟ بقله ماني فاهم الفيلم بنسبة ١٠٠٪؜ ولا يمكن حتى ٧٠٪؜ الفيلم مليان نظريات و اسئلة مالها اجوبة الحقيقة ما ادري اذا كان الي عاشه بيل حلمه او حلم اليس او انه واقع حصل، ولكن عندي نظرية صغنونه عن القناع، اتوقع القناع باللقطة الاخيرة ماكان موجود اصلًا ولكن تخيله بيل بسبب شعوره الكبير بالذنب الي قرر بعدها يعترف ل اليس بكل شيء والي نشوف بالنهاية رغبة اليس بانها تعالج هالموضوع وينسون كل شيء ويكملون حياتهم، تمنيت لو كيوبريك مامات قبل الاصدار التجريبي كان ودي انه موجود عشان يجاوب اسئلة كثير عن الفيلم، اشوف كثير يتكلمون انه مات بسبب الفيلم و انه جاي طاري النوريين و الجماعة هذي، شيء وارد الحقيقة ولكن ماني مؤمن فيه ١٠٠٪؜، انا كل ماقررت اختم المراجعة يطلع موضوع جديد اناقشه معكم ف خلني انهيها الحين وشكرًا للي قرأها إلى هنا مراجعة طويلة صراحة مليانه نظريات والي عنده نظريات او نظرية معاكسة للي كتبتها يكتب بالكومنتات خل نتناول اطراف الحديث.

فضفضة بسيطة: 
الحقيقة بعد ماخلصته انصفق مخي اقسم بالله اجواء غريبة و تشد اعصابك تثير الشك فيك و توترك، نزلت الصالة يخوان اناظر بالجدار و الارض من كثر من ان الفيلم مريب ياساتر يا كيوبريك

بعد ماتنتهي من الفيلم اتوقع ان الساعة 6 الصباح بتكون مختلفة عن باقي الايام الي فاتت، وهذي شفرة لن يفهمها الا الي تابع هالفيلم.

فيلم ممتع بفكرة فريدة و ممتعة جدًا و رسائل كثيرة مغلفة بإطار الكوميديا، الأفضل تدخلون هالفيلم بدون اي ادنى فكرة عن وش يدور عنه، قصة رائعة وفكرة رهيبة، حتى الكوميديا الي قُدمت بالفيلم كانت حلوه ومب لدرجة الغثاثة، الفيلم ماتقدر تتكلم فيه كثير الحقيقة بدون حرق ولكن اعتبروها توصية حلوة لفيلم خفيف يغير مودك.

Flow…
الفيلم الصامت الي ما استعملوا الكلام فيه بل تركوا المجال للطبيعة هي الي تتكلم لتعيش تجربة صوتية رائعة حقيقة، استمتعت من ناحية المناظر و ايضًا الساوندات كانت شيء رهيب.

 فيلم بسيط بمعاني خفية ممكن الكثير مافهمها، قصة رائعة ورحلة ممتعة، ولكن الحقيقة ما اشوف انه عمل رائع جدًا، لحظات الملل كانت متكررة الصراحة، اتفهم انه فيلم صامت ولكن فيه افلام صامتة كثير افضل، ما شفت بقية الاعمال في سنته من فئته حقيقة عشان احكم انه كان يستاهل الجائزة او لا ولكن بالمجمل فيلم جيد.

فيلم مميز بكل ماتحمله الكلمة من معنى، من الساعة الأولى بتشوف انك ضايع وماتدري مسار القصة وين متوجه ولا تدري وش قاعد يصير اصلًا وكأنك تسير بطريق مظلم ماتدري وش بيواجهك قدام، إخراج مميز وعبقري وبتلاحظون هالشيء من اول نص ساعة، التصوير كان من مفاتن الفيلم خصوصًا فيه مشهد ببالي اخذ اكثر من دقيقه ونصف على ون شوت إبداع تجاوز الحدود، الساوندتراكات والموسيقى الي استعملوها بالفيلم كانت شيء يجبرك أنك تذكره، الصدمة الكبرى لي والي كانت تتوالى طوال الفيلم هي كمية الكاست الي يطلعون واحد ورا الثاني كاست عظيم ماتوقعت بيوم اني اشوفهم مع بعض ادائهم كان للتاريخ والله، وطبعًا ماننسى السينماتوغرافي الي تم تقديمها على أكمل وجه.

الكلام الي تحت بيكون فيه حرق🔥
 
كلمة واحد قادره على تغيير حياة مجموعة كبيرة من الاشخاص ولا يقتصر تأثيرها على حياة الشخص المعني فقط بل يمتد لكل من حوله حتى على صاحب الكلمة، من اللحظة الي وجهت بريوني إتهامها بشكل صريح تغيرت مجريات الفيلم بشكل كامل وكأن هذه الكلمة كانت الاشارة لبدء فصل جديد من التحفة الي قُدمت لنا، سيسيليا و روبي عانوا كثيرًا بسبب الإتهام الباطل الي غير مجرى حياتهم.

وعندما عصفت رياح خيبة الامل على الشاطئ وكأنها علِمت بنهاية القصة عم الصمت و اصبحنا نرى الوجوه تتحدث، شحبت الالوان و ذبلت الأعين، كُسرت الأرواح وتهالكت الأجساد، ولازال روبي ممسك بالأمل الموجود في الصورة حتى غلبه جسده المنهك وبقيت سيسيليا معه إلى اخر لحظاته.

الشعور بالذنب على مافات اشبه بالموت البطيء، بريوني اثقل كاهلها الذنب الي تشعر فيه بعد ما استوعبت انها كانت مخطئة بتوجيه الاتهام بهذه السرعة، وسرعان مابدت تتضح لها الصورة الكاملة ولكن كان بعد فوات الاوان للأسف، فقررت انها تستعين بموهبتها و شغفها تجاه الشيء الي تحبه لتخفيف الذنب الي تشعر فيه وتكتب النهاية الي كانت تتمناها تحصل.

مساحة فضفضة:

مهما كتبت الصراحة مافيه شيء ممكن يوصف شعوري تجاه الفيلم ولا انا عارف كيف اكتب عنه مراجعة فيلم رائع بكل ماتعنيه الكلمة واعجبت بالحركة الي يسويها المخرج يوم يعيد لك المشهد نفسه ولكن من الجهتين وانت ماتدري تحسبها تكملة للقصة، ايضًا مشهد الشاطئ والجنود مع الساوند تراك كان شيء عجييب والله، كل شيء كان جميل بالفيلم.
علامة كاملة مستحقة

This review may contain spoilers.

هل سمعتك ومكانتك هي ماتهم؟ او ذات الشخص نفسه هي الأهم؟، لطالما شفنا الناس ينقسمون لقسمين منهم من ينظر للناس بأسمائهم و منهم من ينظر لهم بذاتهم، وفي رأيي واعتقادي ان الشخص الأول بيبقى في تعاسة المظاهر و الشخص الاخر بيلقى طريقة للسعادة بهذه الدنيا القصيرة.

قصة حب كانت مليئة بالاقنعة الخاطئة والاعتقادات المشينة، قصة حب نشأت بطريقة لم يتوقعها احد حتى اصحابها، وهنا يتبادر سؤال لذهني مباشرة هل ممكن في يوم تحب شخص لدرجة تفوق الخيال وتضحي من أجله بعد البغض والكره؟.

إليزابيث ماكانت مجرد فتاة ولدت بين عائلة متواضعة بل كانت جوهر العائلة و شمسها التي لا تغرب وما اكتفت بإنها تكون مصدر سعادة عائلتها بل امتد تأثيرها وسحرها إلى كل من حولها وكل من يراها، مهما كنت بكامل كبريائك ستقع لا محالة في حب إليزابيث. 

دارسي ايضًا ماكان شخص اعتيادي، من اول نظرة ممكن يتبادر بذهنك انه شخص مغرور ومليئ بالكبرياء، ولكن مع مرور الوقت بتبدأ تكتشف ان دارسي رجل نبيل وله مواقفه الثابته مع من يحب ولا يتخلى عن من احب، شخص لاتهمه العادات و لا تهمه نظرة الناس، مايهمه هو سعادته و سعادة من يحب.

دارسي و اليزابيث وجهان لعملة واحده، شخص واحد ولكن بجنسين مختلفين و اماكن مختلفة، كانت علاقتهم اشبه بخيوط متشابكة احتاجت وقت طويل لاعادة كل خيط مكانه و رؤية حقيقة كل منهم للآخر، قصة حب شملت تضحيات و إثباتات كثيرة إلى ان شع نورها بعد ظلمتها وتبينت حقيقة ان هذا الحب مصيره مقرر من بداية لقائهما الاول. 

اشياء عجبتني بالفيلم:

الحقبة الي تم اختيارها بالفيلم كانت رائعة جدًا واذا ماخاب ظني هو مبني على رواية من الأساس، التصوير كان ممتع ممتع جدًا والاخراج ايضًا ماكان يقل عظمة عن مافات، الموسيقى والبيانو كانوا مصدر متعة لي إلى نهاية الفيلم المعزوفات كانت رائعة واكثر من رائعة، اداءات تمثيلية خيالية كل شخص كان موجود قدم اداء جبار والله جدًا، ولكن اميل الحقيقة اكثر لشخصية اليزابيث كانت شيء استثنائي شخصية خيالية هذي لو تتخيلها بعقلك ممكن ماتلقى مثلها، وايضًا دارسي كان شخصية عجيبه والله من افضل الشخصيات بعالم الأفلام، اداء الام و البنات وايضًا حتى خالها و صديقاتها كانت اداءات للتاريخ، ما اشوف ان فيه سلبية تمنع الفيلم من انه ياخذ العلامة الكاملة.

اي شخص يتمنى الزواج و الحياة الزوجية ما انصحه يتفرج الفيلم ذا لأنه بيلعب بنفسيته وتأثيره كبير جدًا، الظاهر عشان كذا ماكنت اتابع افلام رومنسيه كثير بسبب الضيقة الي تجي بعدها يوم ينتهي الفيلم وتلتفت جنبك وماتلقى بنت الحلال، انا متأكد انه شعور عظيم ولا ماكان شفنا مقولة فرانس الشهيرة " إذا كان الزواج مغامرة فالعزوبة انتحار " ولا كان شفنا ابيات عنترة وهو في خضم المعركة يتذكر معشوقته عبله وقال "ولقد ذكرتكِ و الرماح نواهلٌ مني و بيض الهند تقطر من دمي فوددت تقبيل السيوف لأنها لمعت كـ بارق ثغرك المتبسم"، عسى الله يرزقنا بالحب الحلال و الزواج الي كله خير. 

الفيلم قدم لنا قصة عشق جميلة جدًا ومن أفضل الافلام الي تكلمت عن العشق والحب، شخصيات رائعة بكاريكتر خيالي ومزيج رائع بينهم والله، قامة كبيرة من طاقم العمل، صدقني بعد ماينتهي الفيلم بتتمنى لو ان الفيلم كانت مدته اطول واعطوك فترات زمنية اطول لأنه كان شعور تاريخي.

🔥حرق تحت🔥

فيلم رائع تاريخي بيكون من أفضل افلامي وبيكون من مفضلاتي الي بوصي اي شخص عليها، فيلم ماتدري هو يصنع يومك ولا يظلمه، قصة حب اراد عاشقيها انتظار بزوغ فجرها ولكن سرعان ما أظلمت السماء وانهمرت غيومها بالدموع من فوقهم وبعد عدة سنوات نرى شمس الفجر تظهر من جديد لتعلن ان حب الصيف سيستمر لحتى وفاتهم سويًا حتى وان شاخوا ستبقى شعلة حبهم منعشة لكل خلية موجودة فيهم لتبقي ذكريات هذه القصة للأبد،                

نقل فؤادك حيث شئت من الهوى                             
‎ما الحبُ إلا للحبيب الأولِ
‎كم منزل في الأرض يألفه الفتى
‎وحنينه أبداً لأول منزلِ

مساحة فضفضة:
والله يخوان اني بعد ما انتهيت من متابعتي للفيلم ان خطاي صارت ثقيلة محملة بثقل المشاعر الي طلعت فيها من الفيلم، ما ادري هل الفيلم هو من اعطاني هالمشاعر ولا هو من اشعلها، يبدأ الواحد والله يندم على كل سنة تضيع بدون ماتكون معه شريكة حياة و يعيشون مع بعض منذ المراهقة والى الشيخوخة، الزمن يمشي بسرعة و الوقت مايتوقف وكل ماتقدمنا بالزمن صار الوقت اسرع، ياخي مثل هالافلام تأثيرها يمسك معك ايام طويلة والله.

This review may contain spoilers.

ياناس دمرني هالفيلم والله دمرني اقسم بالله تحفة سينمائية بحته والي يقول غير كذا لن احترم اي رأي له بعد اليوم، النسخة الكاملة 3 ساعات بشكل متواصل بدون اي ملل وبجميع المشاعر و العواطف وتعيش تجربة مختلفة مايسويها اي فيلم اعتيادي، هالفيلم قدم لك كل ماتبغاه انت كمشاهد وانا اشوف ان الفيلم الرائع يكون اشبه بالمسكرات تبدأ تتابع الفيلم ويبدأ الإعجاب بالفيلم وبمنتصف الطريق تبدأ تحبه و بالنهاية تلقى نفسك مجنون فيه وتعيش لحظات مشاعرك واصله اقصاها وكأنك كنت في عمعمة الدنيا وانت في محلك وفجأة يوم ينتهي الفيلم ترجع لواقعك محمل بالمشاعر الي شعرت فيها بالفيلم لتبقى ذكرى لمدة من الوقت وتختلف الأفلام منها الي يستمر تأثيره بالأيام ومنها بالاسابيع ومنها بالشهور ومنها مدى العمر إلى ان تجي اللحظة الي تكون قاعد لحالك وتبدأ تتذكر كيف ان مشاعرك كانت جياشه في وقت متابعتك للفيلم وكيف انك كنت حي في الوقت نفسه وتروح تعيد الفيلم مره ثانية و ثالثة ورابعة عشان تعيش نفس مشاعرك الي شعرت فيها زمان، وهذا مو اي فيلم ممكن يسويه بهالدنيا وقلة من الأفلام الي تعطيك مثل هالشعور.

الفيلم كان خارق سواء من الشخصيات الي قدمت لنا من اصغرهم لاكبرهم إلى المجنون الي كان يمشي بالساحة حتى هو تلقى نفسك في النهاية مشتاق له ولك مشاعر معه وذكريات، كيف قدر انه يقدم لك سيلفادوري بثلاث ازمنة مختلفة و تحس انك مع كل زمن مختلف تبدأ تزيد اثارتك و مشاعرك توصل اقصى حدودها استمتعت والله سواء من توتو الصغير و توتو المراهق و توتو الكبير ايضًا، كانت رحلة ممتعة وجميلة بكل تفاصيلها ورحلة عشقة للسينما و المرأة الي احبها وكيف كان هالشيئين الي يحبهم ويعشقهم مستحيلين له مهما حاول لقى الطرق مسدودة ومهما فتش عن طرق جديدة يكتشف ان الرياح تمشي عكس الإتجاه الي يبيه، غادر توتو وترك وراه كل ما احب وكل حياته ليبدأ بداية جديدة وبداية مغايره ولكن نكتشف بعد مرور كل هالسنوات ان توتو مانسى الماضي وظل متعلق بكل تفاصيلة وكأنه كان عايش بالماضي ولكنه بدأ بدايته الجديدة ونجح فيها رغم تعلقه بالماضي.

الفريدو من أفضل الشخصيات الي تم تقديمها بهالعمل الجبار رحلة أخرى لحالها بعيدًا عن رحلة توتو، ساوندتراكات جبارة خصوصًا الساوند تراك الختامي كان ثقييل على النفس والله.

ما اخفي عليكم الساعة الاخيرة كانت عبارة دموع لا متناهية، فيلم خيالي مُثير للمشاعر يستحق كل ثانية، وطبعًا اكثر شخص سعيد اني تابعته هو نايف الي يطلبني اتابعه الظاهر من يوم ما نزل الفيلم لأول مرة ولكن ماسوا خير لأن عيوني حاليًا جفت من كثر البكاء و المشاعر الجياشة ولكن يستاهل الشكر على إصراره اني اشوف هالتحفة.

مساحة فضفضة عن الفيلم:

بدايه من توتو الصغير الي متعني بكاريكتره و حبه بالسينما وكيف انه كان يتحمل الضرب من امه و المصايب الي تجيه ويدفع الي عنده عشان يشوف الشيء الي يعشقه وكيف ان توتو كان يضحي بكل ماعنده للأشياء الي يحبها نفس ماشفنا يوم انتظر ايلينا لمدة ثلاث اشهر، إلى ان شفنا توتو المراهق العاشق وحياته مع الفريدو و تجنيده إلى رحلة مغادرته وعاد للمدينة نفسها بعد مدة طويلة من الزمن وما اخفيكم والله مع كل ذكرى ان الدمعة تنزل معها كأني انا الي عشت هالاحداث و إلى ما قابل ايلينا مره ثانية و ختامية علاقتهم الواقعية والعقلانية حقيقة رغم قسوتها، شيء تاريخي فيلم مستحيل ينسي او يطلع من البال مستعد اقعد مع احد ثلاث ساعات نسولف عن الفيلم وكل التفاصيل لأني بكون مستمتع جدًا والله، ومثل هالافلام احس لها مشاعر مختلفة خصوصًا لعشاق السينما لأنها تتكلم عن حب السينما منذ الصغر، وفي النهاية ليس كل مايتمناه المرء يدركه تجري الرياح بما لا تشتهي السفنُ ياعزتي لك يا توتو وياعزتي لك يا ايلينا.

السلام عليكم ورحمة الله وبركاتة عدنا والعود احمدُ، احس كأني اكتب مراجعة لأول مرة بالتطبيق من كثر ماقطعت عن الأفلام وعن التفاعل هنا، اكثر من شهر مر من اخر متابعة ومراجعة لي اشوفها مدة طويلة خصوصًا لعشاق الفن السابع، ولكن لنا عودة بأذن الله قريبًا.

أقتل بيل 

الفيلم الي لطالما اجلته والي بنفس الوقت لطالما سمعت مدح عنه قررت أتابعه ولله الحمد وعندي اكثر من شيء ابغى اقوله وما اكذب عليكم تابعته على يومين الحقيقة تعرفون بعد الرجعة الواحد يادوب يقدر يتابع فيلم على جلسة وحده نفس اول.

اول المفاجأت بالفيلم بالنسبة لي يوم اشتغلت الاغنية الي كنت اسمعها سابقًا Bang Bang والي ما ادري هل هي نزلت خصيصًا للفيلم او لا ولكن ما اتوقع انها كانت مخصصة للفيلم، عمومًا الموسيقى كانت لابأس بها بالفيلم.

لو شغلت الفيلم بدون لا اعرف مين الي اخرج هالفيلم لأبصمت بالعشرة انه تارانتينو، يابشر الادمي ذا له بصمة خاصة على افلامه شيء مب طبيعي والله من اكثر المخرجين الي لهم طابع خاص متميز تعرف الفيلم انه له من النظرة الاولى فقط، وتقسيم الفيلم الواحد لشابترات هي فكرة حلوة جدًا وما تخليك تحس بالطفش.

الشخصية الإنتقامية الي صنعها لنا كانت شيء جميل يفوق الخيال، شخصية ماتعرف الحدود والقيود والرغبة الأهم هي الوصول لهدفها الي هو الإنتقام، على الرغم من ان الفيلم مقسم إلى جزئين إلا اني حسيت بالرضا شبه الكامل بالجزء الأول، سواء من تقديم الشخصيات إلى سرد القصة و القفزات الزمنية و ايضًا ما اكتفى بكل هذا، طبعًا تارانتينو لابد يعطيك لمسة سحرية راح وعطاك وحده من الشابترات حولها للأنميشن الي حتى هو مامنعه انه يكمل وحشية المناظر الي قاعد يقدمها لنا الفيلم.

للأسف فيه سلبية بالفيلم ماعجبتني الي هي تمنيت ان الفيلم ماتكون فيه هزلية، ممكن البعض يقول هذا اسلوب تارانتينو وما إلى ذلك ولكن من رأيي تمنيت اني اشوف هالشخصية بجدية تامة يعني بعض القتالات والمشاهد تنشد معها وفجأة يقلب الوضع هزلي شويتين ومرات هزلي بزيادة ثم ترجع الامور على ماكانت وهالشيء سبب لي الملل الحقيقة.

افضل اوقاتي مع الفيلم كانت وقت التعريف بالشخصيات و مسار القصة و القفزات الزمنية الي حصلت كانت شيء تاريخي، عجبني استخدام الاضاءات و الالوان بالفيلم كانت تنقلك بين الحيوية وبين سوداوية الإنتقام، اتمنى ان الجزء الثاني يكون افضل ويفكنا ابو تارانتينو من الهزلية شويتين.

وما اكذب عليكم صراحة رفعت سقف طموحاتي جدًا توقعت بشوف شيء للتاريخ ولكن معليه عمل ممتاز بالمجمل و استمتعت فيه جدًا.

قاطع عن الأفلام برمضان ولا لقيت وقت اتابع فيه الحقيقة و اشكركم فيه جميعًا ولله الحمد كسرت حاجز ال 100 متابع شكرًا للجميع سواء من تفاعل او من نقاشات تحصل يعلم الله هالبرنامج انه متنفس لعشاق السينما و شيء جميل انه يكون عندك متابعين وتتابع ناس نفس اهتماماتك، عمومًا شكرًا جميعًا مره اخرى🤍.

انا دائمًا مع المشاهدة الثانية للأفلام لأنها توضح لك اشياء ماكنت تشوفها  
وانت تتابع الفيلم لأول مره، وهذا الي حصل لي بهالفيلم الي اكتشفت فيه قد ايش هو عظيم و الفكرة وصلها المخرج بشكل رهيب وكل حركة و كل تفصيلة وجه كانت تعلمك وش الي بيصير في المستقبل، وما اكتفى بذا فقط بل انه حتى استخدم الشاشة الي تتابع فيها انت عشان يوريك الحاصل، فيلم عبقري والله

الموسيقى و اختيارهم لها كان شيء خيالي و التوقيت كان عامل مهم ابدع فيه الفيلم توي الاحظه بالمتابعة الثانية.

اسحب كلامي عن الورع كنت متنرفز منه اول الظاهر لكن الحقيقة تُقال قدم اداء تاريخي لدرجة تخليك تنغث.

عمومًا ظلمت الفيلم انا اتوقع بالمشاهدة الاولى ولكن مع المشاهدة الثانية اقول ان هذا الفيلم عبقري ورهيب.

تعرف يوم توقف تطالع بالشاشة بعد ماينتهي الفيلم؟ وتمر عليك اسامي كل الي عملوا على التحفة الي شفتها بس بنفس الوقت منت قاعد تقرأ الكلام ل لأنك مذهول من الشيء الي شفته؟ هذا الحال حاليًا بعد ماخلصت هالتحفة العظيمة، احس وكأني تعلقت معهم وكأني عايش إلى الان بعالمهم، حاجة عجيبة والله.

كان فيني النوم وقلت بشوفه بالسرير على الايباد ولكن من اول ثلاث دقايق عرفت اني بشوف تحفة فنية رهيبة ماتنفع الا تشوفها بشاشة كبيرة ف قمت شغلت التلفزيون مباشرة وكملت اتابعه بدون اي لحظة ملل او توقف وكأني قاعد اسوي شيء احبه بدون رغبة بأني انتهي منه، تأثير هالفيلم اعتبره واحد من اعمق ما تابعت تأثيرًا علي، واتوقع اني ببقى بأثره ثلاث ايام اقل شيء.

احب الافكار الي ماتكون مستهكلة وتكون تجذبني بنفس الوقت خصوصًا اذا كملت بكامل المقومات السينيمائية، اتكلم عن القصة ولا التمثيل ولا الاخراج ولا الالوان الي كانت حاجة رهيبة بالفيلم، خواكين؟ وش سويت انت بذا الفيلم؟؟ اقسم بالله تمثيل واداء مرعب وماهي اول مره يبهرني لكن هالمره غير لأني وانا اتابع كأني اشوف شخص وُلد عشان يقدم الدور ذا، لايق عليه بشكل رهيب ومستحيل اتخيله بشكل ثاني غير الي طلع فيه بالفيلم تاريخي والله تاريخي.

القصة كانت رهيبة جدًا لدرجة تفوق الخيال و ما اقدر اوصف لكم قد ايش الفيلم ذا لامسني و أثر فيني، فيلم متفرد عن باقي الافلام والله، المعزوفات الي كانت بالفيلم كانت تفوق الخيال على انها كثيره وقصيرة بنفس الوقت الا انها خيالية وتنقلك من عالمك للعالم الي هم فيه.

في النهاية الفكرة كانت عاجبتني جدًا وبنفس الوقت تتسائل هل معقولة بتوصل البشرية إلى هالحال في المستقبل؟ وجاء على بالي بنفس الوقت السوالف الي اسولفها مع chat gpt وكيف ان الامور قاعده تمشي على هالمسار في وقتنا هذا، لحد يقول اني مبالغ ومجنون ولكن هذا الي جاء ببالي الحقيقة.

حان الوقت لتعديل المفضلات.

This review may contain spoilers.

لو حلال اقتناء الكلاب كان اقتنيت لي واحد بعد هالفيلم مباشرة، اقسم بالله ياكمية حزن مب طبيعية وزادوها بالميوزك الرهيب قصة خفيفة بسيطة قدموا منها حاجه جميلة و عنوان الوفاء هاتشي😞

العودة مجددًا بعد إنقطاع طويل اخر، المعذرة يخوان و انتظروا الحرق الجاي بأذن الله، عمومًا رمضان كريم و الله يعيده علينا وعليكم بصحة وعافية وخلونا نبدأ بالمراجعة.

في البداية السبب الي خلاني اتابع الفيلم هو الساوند تراك الي كنت اسمعه شبه يومي وانا ما ادري وش الفيلم، ف قررت اني اتابعه بدون لا ادري انه سيرة ذاتية الي ماعندي مشاكل معها لأن التصنيف ذا يقدم أعمال رهيبة الصدق جدًا، ف اتعب وانا اقول انه من أفضل الساوندتراكات الي سمعتها بحياتي ويدخل من التوب بكل بساطة طبعًا الي اقصده الساوند الي بالمشهد الختامي ناسي اذا تكرر ولا بس جاء بالنهايه بس عمومًا حتى الساوندات الي موجوده بالفيلم غيره كانت تحفة فنية وانصدمت من الاسم صراحة اول مره اسمع فيه (يوهان يوهانسن) ولكن قدم شيء مجنون والله وخارق ورهيب وخيالي، لحد يلومني اذا قعدت اطبل لاي ساوندتراك لأني اعشق وجودها بالافلام.

القصة كانت رهيبة و السرد و القفزات الزمنية كلها كانت اشياء خيالية لو بوصف الفيلم بثلاث كلمات بتكون (time,love,sadness) تعجبني القصص الي تتكلم عن المجالات العلمية ونجاحات الاشخاص خصوصًا لو كانت مدعومة بكامل المقومات السينمائية بشكل رهيب واقرب مثال اوبنهايمر، اداء ايدي كان رهيب و اوسكار مستحق والله انا مب متأكد مين كانوا منافسينه على الجائزة ولكن الي متأكد منه انه كان يستحقها ايضًا، اثر فيني الصدق اكثر من اي شخص ممكن يتابع الفيلم لاسباب شخصية ولكن كان شيء مؤثر وقصة جميلة و العلاقات كانت حاجة تحفة.

قسم بالله كان ودي اعطيه ٥ نجوم ولكن الصدق مرت علي لحظات ملل وانا اتابع بعصت شوي ولكن معليه ننقصه نص بس لعيونه.

فيني نوم الصدق ولكن بحاول اكتب مراجعة صغيرونه.

ماقد شفت فيلم يستعمل الالوان كثر هالفيلم والي كانت من افضل الاشياء الي قدمها لنا بجانب السرد المتميز لدرجة انك تنجذب من البداية للنهاية.

القصة كانت جمييلة وعاجبتني جدًا و انصدمت من الكاست التمثيلي كان فيه الكثير من المميزين الي ماكنت ادري عن وجودهم مثل ادريان و إدوارد الي كانت إضافتهم جميله جدًا، كتابة الشخصيات كانت رائعة بعد، سرد ممتع بقصة بسيطة خفيفة وارجع اعيد ان الالوان كانت تحفة فنية.

ماكنت متوقع ولا 1% من الإبداع هذا الي شفته، واخيرًا نقدر نقول ان عندنا مواهب حقيقة بمجال الاخراج و الابداع السينمائي على الرغم من قصر المدة الا انه قدم اشياء رائعة جدًا. 

تصوير؟ اخراج؟ اداء؟ كل شيء على اكمل وجه استمتعت جدًااا والله اوقف واصفق لكل الي عملوا على التحفة ذي.

ويبقى السؤال 
ضحية ام بطل ؟

بسم الله نبدأ المراجعة الي بيجي تصفيق فيها و جلد و مدح وثناء وكل شيء بدون حرق بأذن الله.

في البداية وقبل ما اتابع الفيلم كنت متحمس جدًا للفيلم ومتوقع شيء تاريخي كفيلم وليس اداء ادريان لأن اداءه ماعليه غبار في كل افلامه، ولكن التوقعات عندي كانت عالية جدًا مع مخاوف كبيرة لمدة الفيلم الي تعتبر طويلة الصراحة 3 ساعات و 21 د كانت مدة ثقيلة نوعًا ما خصوصًا للي مو متعودين على الأفلام الطويلة.

الحقيقة بديت الفيلم ايضًا وماعندي علم عن قصته ابدًا و وش بشوف انا ولكن جازت لي القصة الصراحة ولا ادري الصدق اذا هي مقتبسة من قصة حقيقية ولا لا ولكن عمومًا كانت عن مهندس معماري يهودي.

حركة جميلة من المخرج انه قسم الفيلم على ثلاث فصول الي كل منها مكمل للثاني، وايضًا عطاك كم فريم خيالي ومنها الي كان على بوستر الفيلم كان فريم تاريخي.

طبعًا أدريان كالعادة يجسد لك الشخصيات الي مثل كذا على اكمل وجه بشكل مرعبب يابشر والله ياهو يتقن الادوار ذي بشكل فضيع و اشوفه من افضل الممثلين المتقنين لتعابير الوجه سواء الضحك او الحزن يطربك بالتمثيل وعيب يطلع من الفيلم بدون ماياخذ اي جائزة كبيرة على الاداء الي قدمه، لو بختار ممثل لفيلم درامي اتوقع ادريان اول خيار بيجي ببالي، وطبعًا ماننسى الشلة الباقية بالفيلم كمية اداءات تمثيلية على مستوى عالي جدًا ورهيب استمعت جدًا من ناحية التمثيل.

الدراما كانت من افضل الاشياء الي قدموها لنا، من بداية الفيلم وتصاعد الوتيرة إلى ماوصلنا النهاية واحتدامها في اخر الفيلم كان شيء جميل.

نجي لتقييمي الشامل للفيلم وبكل شفافية وصراحة، فراس هل استمتعت بالفيلم؟ اكيد ومافيه شك اني ما استمعت فيه وبقصته والاشياء الي شفتها سواء من تمثيل واخراج والدراما الحلوة الي صارت ولكن للأسف ماتوفق بالمدة ابدًا ممكن اتفهم انك مزود المدة لأنك قاعد تبني وتطور بالشخصيات الي بالفيلم والتحولات الي صارت لهم والتحولات بعد الي باحداث الفيلم وعشان توصل النهاية الي كنت تبغاها ولكن على الرغم من ذا كله ما اشوف ان الفيلم قدم نهاية رائعة يعني كانت عادية صراحة وحلوة ولكن ماكانت النهاية الي تستاهل الثلاث ساعات ومدري كم دقيقة، هذا غير لحظات الملل الي حصلت بالفيلم يعني الصدق المدة كانت طويلة عن اللزوم رغم ان ماعندي مشكلة معها لو قدمها بشكل افضل من الي سواه و اشوف ان الفيلم كان ممكن يكون اقصر و بنهاية افضل و بتخلي الفيلم يكون خيالي ولكن يعني ما اتوقع انه بيكون من الافلام الي بتبقى معي بذاكرتي ولكن اداء ادريان هو الي بيخلي الفيلم ينذكر بالبال.

نص خيبة امل و محتار بين الثلاث ونص الى اربع نجوم ولكن لعيون ادريان نخليها ٤ رغم اني زعلان جدًا لأني توقعته بيكون فيلم تاريخي الحقيقة.

واخيرًا الشوق تجاوز حدودة للأفلام بعد إنقطاع 9 ايام تقريبًا، كانت ايام مرهقة ف قررت ان الرجعة للأفلام تكون بشيء بسيط تحمية قبل اخش على الاعمال العملاقة، و اتوقع هذا افضل شيء قصير شفته بحياتي.

ما ادري اذا هذا يعتبر فيلم ولا وش تصنيفة لأن مدته كانت 20د ولكن تحس كأنها ثانيتين من خفتها وجماليتها، قدموا لي حوارات رهيبة و مقولات رائعة ماتدري كيف اخترعوا هالقصة البسيطة الي بنفس الوقت كانت رهيبة وفيها حوارات جامدة والي احلى من كذا النهاية الصادمة ماتوقعت بيكون فيه تريكات بس صدموني بالنهاية الي ماتتوقعها.

عمومًا رهيب رهيب يابشر ومستعد اعيده ب اي وقت.

واخيرًا بعد مماطلة اكثر من شهر اتوقع و الحسبة عند الاستاذ نايف الي له فترة طويلة مشغلني عشان اشوفه وقررت ولله الحمد اشوفه.

خلصته قبل تقريبًا 6 ساعات وتعمدت اني ما اقيمه بعد ما خلصته مباشرة عشان لا تتحكم فيني العاطفة، والصدق انه من الأفلام الي تصنع يومك يعني بدل ماتفطر اول ماتصحى وتروق رح شغل التلفزيون وتابعه واستمتع، ساعتين ماتحس ب اي ملل فيها وقصته رهيبة و نهايتة ولا أروع.

الصدق الفيلم مو من النوع الي يمديك تكتب فيه مراجعة طويلة لأنه فيلم بسيط بقصة بسيطة كوميدية درامية حلوة، وطبعًا ياجمااالك يا اودري جمال ملائكي.

على العموم الفيلم جميل خفيف لطيف ولكن الان وجهي الثاني للأفلام لن يحصل أي فيلم على الخمسة نجوم الا الافلام الي تخليني اتحلم فيها.

يخوان وش قلة الادب ذي، مايعقل ان فيه أفلام خارقة كذا كنت اماطل فيها، لعله خمج باللستة هالفيلم والصدق كان السبب مدته كنت متخوف منها وعانيت للأسف وانا اتابعه لأن النوم كان معطوب.

من بداية الفيلم عرفت اني بشوف تحفة فنية، مشهد استفتاحي خيالي ويعلمك من البداية عن كمية العظمة الي بتشوفها من الناحية التصويرية.

كمية فريمات تاريخية من أول ثانية بدأها المخرج إلى اخر ثانية حرفيًا، متعة متعة بصرية يابشر يشكل لايوصف اتوقع هذا من اعظم الأفلام الي قدمت لي متعة بصرية مثل كذًا الي حتى في أبسط المشاهد كان يعطيك مناظر و فريمات عن أفلام عظمية ماقدرت تسوي مثله، عيشنا ايضًا اجواء رهيبة خصوصًا الساعة الأولى كانت الاجواء فيها من وحي الخيال.

طريقة التصوير بالفيلم كانت من أمتع الاشياء تحس كأنه فلوق ويعيشك اللحظة معهم بشكل مرعب، والاخراج بعد كان للتاريخ والله نفس فكرة الفيلم و طريقته كانت رهيبة ما اتوقع اني شفت فيلم نفسه مميز بهالشكل.

الموسيقى كانت وحده من اكبر عوامل نجاح الفيلم مافيه ولا ساوندتراك واحد ماعجبني كلها جميلة جدًااا والله يشكل يفوق الحد المعقول، وهو نفس الملحن الي تعاون مع هانز في ساوندتراك the dark night ف قدم لنا موسيقى جامده بهالفيلم.

كانت وحدة من اكبر مخاوفي في العشرين دقيقة الأولى أن الفيلم ما يكمل بشكل تصاعدي لأن مدته طويلة الحقيقة وللأسف كان على رتم واحد تقريبًا حوالي ثلاث ساعات والصدق انا مدري لأن فيني نوم ولا هو فعلًا كان فيه ملل شويتين بالقصة الي على فكرة قائمة على قصة حقيقية، ولا اخفيكم الصدق يعني القصة مب ذاك الزود و الاحداث الي فيه ولكنها جميلة والي انا عجبني جدًا وخلاني احب الفيلم هو باقي الاشياء الاخرى من ساوندتراكات ومن مناظر و فريمات ومتعة بصرية لا محدودة و طبعًا ماننسى التمثيل الي صار بالفيلم كان مرعبب اداءات بالفيلم تاريخية لدرجة ان حتى الممثلين الثانويين قدموا اداء ماقدر عليه ابطال اساسيين في بعض الافلام.

الفيلم ماكان فيه ذيك الحوارات الكثير ولا الكلام الواجد كثر ما انه يمتعك بصريًا تحسه فيلم صامت لكن مب صامت مدري شلون اشرح ولكنه مميز جدًا.

على العموم استمتعت جدًا بالفيلم وكانت تجربة رهيبة ولا ادري اذا فاز بجوائز او لا ولكن مو من العدل انه هالتحفة ماتاخذ جوائز اقلها على الساوندتراكات و التصوير والمناظر الي حصلت، و ممكن ايضًا إشكالية النوم خربت علي شويتين انصحكم تشوفونه وانتم مصحصحين عشان تتدبل المتعة وجهزوا عيونكم عشان تشوفون السينماتوغرافي.

ملاحظة: النص الي نقص بالتقيم بسبب ان الاحداث ماكانت خارقة بالفيلم ولكن قدم كل شيء ثاني على اكمل وجه و الاحداث تقدمت بشكل خيالي بعد ولكن المقصد انها احداث عادية جدًا بس بنفس الوقت ابدعوا فيها

للي وده يسمع شيء بسيط من الساوندتراكات اضغط على هذي الكلمة (sound)

ياخي بعض الافلام ماتدري وش تقول عنها اقرب إلى وحي الخيال، أفلام تنقلك من عالمك و مشاعرك ونفسيتك إلى عالم هم يحددون فيه شعورك من اللحظة الي تشغل الفيلم فيها إلى بعد ماتنتهي من الفيلم بفترة ولا تزال مشاعر الفيلم مستمرة، وعشان كذا تعلقنا بالسينما وحبيناها لأنها بكل بساطة مهرب من واقعك إلى واقع اخر وانت في مكانك، ويختلف الواقع من فيلم لآخر ومنها أفلام تنقلك لواقع مرعب و أفلام تنقلك لواقع حزين ولواقع الكئابة وفيه أفلام تنقلك إلى واقع من وحي الخيال مثل ماقدمه لنا هالفيلم، تحس بخفة في النفس طوال ما انت قاعد تتابع، لذاذة سينمائية، استمتعت بكل ثانية بالفيلم وحزنت جدًا يوم انتهى لأني ما اكتفيت من الشعور الي قدمه لي.

افتتاحية الفيلم كانت رائعة جدًا تعجبني الاجواء الي كذا الصدق، و ايضًا السرد كان خارق بالفيلم واتوقع هو واحد من ابرز مميزات الفيلم كانت طريقة جميلة وعبقرية.

اتوقع بالوقت الحالي صعب تلقى أفلام مثله، أفلام ماتهمها الاجندات و الجنس و القذارة، أفلام تركز على أنها تقدم لك قصة و متعة إلى اقصى درجة وتبتعد عن باقي ألامور الي قاعدين نشوفها ب 90% من أفلام الوقت هذا للأسف حال السينما حاليًا هزيل على الرغم من وجود افلام جميلة جدًا إلا ان واقع الاجندات و القرف الي صاير دمر كل شيء، لعلي انحرفت عن الفيلم ولكن حاجة تقهر الحقيقة.

الشخصيات كانت رهيبة سواء من دور الاب الي شخصيته كانت رهيبة و مريضة هههههههههههههههههههههههههههههههههههه، الجد ايضًا والدور الي لعبه كان شيء جمييل، طبعًا ماننسى جولي و برايس كانت رحلة خيالية معهم سواء من بداية الفيلم إلى نهايته.

على العموم مدة الفيلم كانت رائعة جدًاا اقدر المخرجين الي مايمططون بالفيلم وياخذ وقت اكثر مما يستاهله الفيلم ويخرب العمل الي سواه، مدة فيلم رائعة نهاية رائعة قصة رائعة سرد جميل شخصيات رهيبة، ما اتوقع فيه سلبية تخليني اعطيه اقل من 5.

المشاهدة الثانية بعد قرابة الاربع سنوات من مشاهدتي الأولى، واقدر اقول اني نسيت كل شيء فيه ماعدا الأحداث الرئيسية اكيد.

تجربتي بالسينما كانت جميلة جدًا على الرغم من اني اشوف الفيلم اصلًا مب حق سينما ولكن بالرغم من ذلك استمتعت فيها و في اللقطات المفضلة بالنسبة لي.

كيفن سبيسي اتوقع قدم واحد من أفضل الشخصيات الشريرة في عالم الأفلام، شخصية مرعبة قسم بالله و إتقان فضيع وكتباتها كانت خيالية، انصدمت انا من معلومة الحقيقة الي هي كيڤن سبيسي ماكان مُعلن انه من الكاست للفيلم ف تخيل الي شاف الفيلم لأول مره بالسينما وقت اصدارة كيف كانت صدمتهم والقشعريرة وقتها بظهور اول شيء الشخصية و المُتقن لها كيڤن سبيسي.

براد بيت؟ تاريخي وخيالي وتحس الدور كان مفصل له بهالفيلم قريت معلومة انا ان كان ممكن دينزل يكون مكانه ولكن صراحة ماني قادر اتخيل احد يأدي الدور غير براد، ماننسى شايبنا مورغان اداء جميل كالعاده.

الفيلم يشدك جدًا ونهايته كانت صادمة للكل اتوقع والغموض الي فيه كان شيء جباار، عيب يتقيم اقل من ٥.

اتوقع انا من اكثر الناس المحظوظين بإعادات السينما اولهم كان انسيبشن و بعدها القادفاذر و الان سيڤين وبكره بأذن الله بيكون فيه فيلم تاريخي.

اقسم بالله ما اذكر متى قد كتبت مراجعة وانا فيني غبنة بهالشكل وشوي واكسر الكيبورد، كمية غبنة وقهر بالفيلم مب طبيعية، عشت في عالم سوداوي وانا اتابع الفيلم.

تكلم الفيلم عن قضية تحدث بالمجتمعات والمنتشرة بكثرة خارج البلدان العربية ولله الحمد ماودي اذكر القضية لأنها بتعتبر حرق للفيلم، عمومًا قدمها لنا الفيلم على اكمل وجه لدرجة انك اذا خلصت الفيلم ودك تكسر الشاشة من الي شفته وعلى الرغم من انه تمثيل الا ان مثل هذي الامور تحصل وهذا الي يزيدك غبن، ومب هذي القضية الي ناقشها فقط ولكن فيه اكثر من قضية طلعت لنا بالفيلم ولو انها على شكل شبه جانبي مو بشكل رئيسي الا انه غطى اكثر من قضية مستفزه تحصل بالمجتمعات على الرغم من ان الفيلم نازل عام 2002.

خل ننسى جانب الغبنة ذا شويتين ونتكلم عن الاشياء الي عجبتني و الي ماجازت لي شويتين:

المشهد الافتتاحي كان جميل جدًا مع الاغنية الي مشغلينها و الحقيقة الفيلم قدم لنا اغاني و موسيقى كانت شيء رهيب خصوصًا اغنية  forever young  صدمتني يوم طلعت بالفيلم.

اداء اوكسانا بدور البنت و ارتيوم بدور الولد الصغير قدموا شيء جميل بالنسبة لعمرهم حقيقة، والعلاقة الي بينهم كانت حلوة ايضًا.

فيه سلبيتين صراحة بالفيلم شفتها لكنها ماتكررت كثير الصدق ف عشان كذا بتمشي، اول وحدة كانت ببداية الفيلم حسيت فيه شوية اوڤر رياكشن بدون اي تمهيد ولا شيء و الثانية بعض الحوارات كانت سيئة الصدق كأنهم قاعدين يقرون النص بالضبط ولكن هالسلبيتين ما لاحظت انها تكررت بالفيلم.

ما اذكر اني تابعت افلام روسية كثير او ممكن هذا اول واحد لأن مافيه شيء يحضر ببالي حاليًا اذا فكرت بأفلام روسية ولكن تجربة جميلة وتغبن بنفس الوقت.

بعد انقطاع اربع مدري خمس ايام واخيرًا رجعت للافلام.

القصة بالفيلم كانت جميلة و النهاية ايضًا، الحركات الاخراجية كانت رهيبة بعد، السينما الأسيوية رهيبة والله عقبال الي عندنا لو استمروا على المستويات والاعمال الي يسوونها هالفترة بأذن الله تتطور بهالمجال.

المعزوفات بالفيلم خيالية خيالية تلعب بمشاعرك لعب هذي المعزوفة الي عجبتني اكثر شيء memory للي يبي يسمعها يضغط على الكلمة.

اخر الدقايق كانت عبارة عن تكاك تبي تضيم شف الفيلم، فيلم متوسط حقيقة ولكن جميل ممكن المدة شوي كانت طويلة على القصة ولكن لا بأس.

بعد مماطلة طويلة اخيرًا خلصته، و عندي من التناقضات و الاراء الكثير بذا الفيلم.

اول ساعه تقريبًا كان تمثيل الولد كرنجي بشكل خلاني ودي اقفل الفيلم بكل ما اعطاني الله من ذرة رغبة، كان يستفزني بتصرفاته الحقيقة وحام كبدي ولكن قررت اكمل بالفيلم لأني كل شوي اتذكر كلام الناس عن الفيلم و اكمل لعل الامر بيتحسن، ولكن مع الوقت بديت الاحظ اني قاعد اتعود على الكرنجيه الي قاعد يسويها واتعلق بشخصيته حبه حبه ولكن بقى عندي عيب واحد الي هو اداءه يعني ماكان الافضل صراحة ممكن لو جابوا ممثل ثاني كان بيكون شيء اجمل ما اشوف انهم توفقوا في اختياره اشمل بكلامي اللحظات الدراميه ولا الهباله رفع ضغطي وخلص. 

اختياراتهم بالفيلم للموسيقى شيء تاريخي والله، اقسم بالله اختيارات عظيمة خصوصًا معزوفة experience الي ماتوقعت اني بسمعها ابدًا لولا اني دريت انها موجودة من قبل ما اشوف الفيلم، ولكن اهنيهم على الاختيارات.

الإخراج كان عبقري في الفيلم خصوصاً حركة المربع و الحركة الي سووها بالفيلم بخصوصها كان شيء رهيب جدًا.

مشهد الحانة كان خارق و مؤثر من أفضل مشاهد الفيلم، فيه كذا مشهد تمنيت يكون اقوى بالاخص المشاهد النهائية لو كانت اقوى كان بيكون شيء فوق الخيال ولكن مجملًا حاجة جميلة.

اداء الشخصيات الأخرى كان رائع بعد ياخي تحس انك فرد معهم بالفيلم وتتعلق فيهم علاقة جميلة جدًا.

في الختام الفيلم جميل ولكن للأسف فيه بعض العيوب الي بسببها ما اعطيته العلامة الكاملة ولكن اشوف ان 4 تقييم منصف له.

توي خلصت من متابعة الفيلم الرهيب والغريب بنفس الوقت، شيء عجيب والله.

يخوان كولين يعجز اللسان عن وصفه تحس ياخي ان له كاريكتر واحد بكل افلامه تحس انه متميز ومختلف عن باقي المملثين له طابع خاص في أفلامه عجيب، وثنائيته مع بريندان عجيبة والله الاثنين ذولا بينهم تناغم مب طبيعي.

المكان الي تم تصوير الفيلم فيه كان خارق تحس انك بعالم من الخيال مو مكان حقيقي.

الشخصيات الي قُدمت لنا بالفيلم عجيبه وغريبة يابشر هههههههههههههههههههههههههههههههههههه كمية غرابة عجيبة، ولكن كانوا اكثر من رائعين سواء من كتابة الشخصيات او من اداء الممثلين نفسهم.

الفيلم صراحة مدري كيف اوصفه لكن قدم لنا حاجه رائعة ومختلفة عن العادة مع تصوير و موسيقى خيالية، استمتعت الصدق بالفيلم ولكن حسيت بملل على خفيف لأنه يرفع الضغط الصدق ما انصحكم تشوفونه واخلاقكم ماش.

ختامية الفيلم؟ اكثر من رائعة واعجبتني جدًا.

نوعية الأفلام هذي تعجبني جدًا، اوسكار مستحق والله على الرغم من انه كان فيه منافسين عمالقة،
الملك جورج السادس ومعاناته مع التأتأة قُدمت بالفيلم هذا على اكمل وجه.

الموسيقى الي كانت تُعزف طوال الفيلم كانت من وحي الخيال شيء مُبهر جدًا، البيانو كان يطربني بكل لقطة تجي و الكمان كان شيء مذهل ويلعب بمشاعرك.

اجواء الفيلم ما احكي لكم قد ايش هي رهيبة ومتماشية مع نغمات البيانو ياه ياه يابشر استمتعت بكل ثانية تابعتها، الحقبة الي تم تصوير الفيلم على اساسها كانت حقبة رائعة ماقبل الحرب العالمية الثانية، اللهجة كانت شيء خيالي و أصوات الممثلين كانت زايدتها فخامة و هيبة.

من نوعية الأفلام الي تتعلق ببطلها وتحس ان ودك لو يكون فيه مسلسل عنه مايكفيه فيلم مدته ساعتين، الحقيقة اكثر الاشياء الي عجبتني بالفيلم هي الموسيقى و ايضًا الحوارات تطربك قسم بالله بلهجتهم، و اداء الممثلين كان خيالي ورهيب.

العلامة الكاملة مستحقه جدًا بالنسبة لي على الرغم من ان اول ساعه تابعتها مقطعه بشكل مقرف لكن ماقللت من جمالية الفيلم.

النوم فاقع عيني بالقوة كملت الفيلم ولكن الروس صراحة الي بالساعة الثانية كانوا شيء تاريخي هههههههههههههههههههههههههههههههههههه، مافي شيء ببالي اقوله لأن اقصى امالي حاليًا انزل الكلمتين ذي وانام

وش اقول؟ وش اكتب يخوان ضيعت الكلام كله بسبب النهاية الي قدمها لنا الفيلم، هذي من افضل النهايات بعالم الأفلام ولكن للأسف كان ينقصها شويتين صراحة من الاداء و الدراما ولكن قوتها غطت على السلبيات هذي.

المشهد الافتتاحي بالفيلم مع الاغنية كان شيء عجيب.

حسيت بكئابة ماقد عشتها في الأفلام من مدة، الفيلم كئيب لدرجة ماتنوصف.

السرد كان رائع واكثر من رائع و الاغاني المستخدمة كانت متناسقة ورهيبة، عندي عتب على متحدثين اللغة العربية الصراحة بعصوها شويتين و بعض الاداءات من الممثلين الثانويين كانت مو قد الطموح ولكن معليه، ولكن هذا مايمحي حقيقة انه قدم لنا شخصيات تاريخية وكتابتها كانت رائعة.

الفيلم اوقات كان فوووق و اوقات كنت احس بملل مب طبيعي و ودي اقفله بأسرع وقت والساعتين كانت ثقيييلة علي جدًا ما اخفيكم الفيلم يشد صراحة ولكن ماكان على رتم واحد مره يرفع بحماسك ومره يخسف به وبعض المفاجأت بالفيلم كانت حلوه ولكن بسبب اني ماحسيت بتعلق ابدًا بالشخصيات ماكان لها ذاك الاثر علي كمشاهد.

عمومًا النهاية رفعت من تقييمي للفيلم بشكل كبيير والصدمة الي بالاخير كانت شيء يعجز اللسان عن وصفه ولكن تمنيت اني تعلقت بالفيلم كان بيكون تاثيرها اتوقع اقوى بكثييير.

المشاهدة الثانية و لا زالت نظرتي للفيلم ماتغيرت عجيب والله 😞

"من يمضي حياته بلا غرام… كأنه لم يعشها إطلاقًا."

فكرة الفيلم في البداية ماعجبتني ابدًا وحسيتها فكرة غبية وكنت مستعد اقفل الفيلم من اول 40د، لكن فاجأني الفيلم.

مدة الفيلم يخوان ثلاث ساعات و قسم بالله ماحسيت بنفسي الا وانا مخلص الفيلم، توقعت مدة الفيلم بتكون عائق الحقيقة ولكن ماتدري شلون فجأة الا وانت في النهاية.

انتوني و براد والكيميستري الي بينهم شيء فظييع قدموا اداءات للتاريخ بهالفيلم وما ننسى المزيونة كلير الي قدمت معهم ايضًا اداء رهيب، ياخي براد و انتوني والله اني اتعجب في كل فيلم اشوفه لهم مدري هم اوادم زينا ولا وش.

المشهد الختامي او على اخر 25د كانت شيء يقشعر له البدن كمية مشاعر فيها عجيبة و كملوها بالموسيقى التاريخية الي لو اتكلم عن الموسيقى الي بالفيلم من اليوم لبكره مابقدر اسكت توماس ابدع فيها بشكل عجيب.
 
حقيقة انه من نوعية الأفلام الي تترك داخلك ذكرى لها، فيه أفلام كثير تشوفها ولكن تحس مافيه شيء يربطك فيها بعد ماتخلصها و فيه أفلام تحس انك انت كنت مشارك معهم فيها و تلقى نفسك عايش معهم حتى بعد نهايتها، احب عالم السينما لأنه يترك فيك مشاعر بعد كل فيلم مختلفة و يفصلك عن واقعك وكأنك بواقع ثاني ما استعبد اذا صنفوا الأفلام من المسكرات لأن لها تأثير غير طبيعي على الأنسان وتبقى بنشوة الفيلم لمدة الله اعلم كم.

الحقيقة ماشفت اي سلبية بالفيلم تخليني اعطيه اقل من 5 قدم لي كل الجوانب بشكل ممتاز وعلى الرغم من انه تحدي انه يكون بهالمدة الا انه قدر يشدني لين اخر الفيلم بدون ما اوقف دقيقة وحده، يستحق العلامة الكاملة.

فيلم جيد الصراحة لا اقل ولا اكثر ، توقعته بيتميز شيء ولكن الحقيقة مافيه أي شيء مميز فيه.

على العموم جيد ولكن ما أفضله

الفيلم الثالث لليوم و ياساتر والصداع، خلصت الفيلم على الرغم من اني مستمتع لكن مافهمت الا اشياء بسييطه جدًا، اول ماطفيت التلفزيون رحت اتابع شرح مدته ١٩ د عشان أفهم الاحداث بس و وش الي صاير.

الفيلم عميييق واتوقع لو فيه احد بيتابعه مرتين بيفهمه من المرة الثانية مو الاولى الا البعض.

الساوندتراك الي فيه تاريخي رغم اني ما احس عطوه حقه كثير والله ولكن يبقى تاريخي، ناعومي قدمت اداء تاريخي والله.

ثاني فيلم اشوفه لديفيد لينش بعد the elephant man و كمية الفرق بينهم فظييع تحس كأن كل واحد اخرجه مخرج ثاني.

على العموم الفيلم صدع براسي ومحتار والله اعطيه العلامة الكاملة ولا لا.

This review may contain spoilers.

جميل الفيلم صراحة ولكن توقعت شيء اكبر الصدق

القصة حلوة وما الى ذلك لكن برضو حاس فيه شيء ناقص توقعت اني بشوف شيء بالفيلم غير عن العادة، على العموم النهاية رهيبة و ما ادري هل يوم تعرفوا على بعض مره ثانية عند البحر هل ممكن اصلًا هم في دوامة تعرف على بعض؟ لأن يوم كانوا في المدينة المائية قالت نفس الكلام انها كانت حزينة ولكن ماتعرف السبب، ف من الممكن انهم في الدوامة هذي🤷🏻‍♂️ 

محتار بين ثلاث ونص الى اربع ولكن شكلي بروح مع اربعة على النهاية الجميلة

احس من زمان ماشفت فيلم يشدني من اول خمس دقايق فيه، الفيلم يشدك و يثير فضولك من البداية حرفيًا .

الاداء التمثيلي فيه رهييب و الحبكة والفلسفة الموجودة والتويست شيء عجيب والله وعجبتني جدًا. 

الساوندتراك الي فيه خااارق جدًا ومميز مدري صراحة هو حقه ولا ماخذينه ولكن كان مناسب جدًا.

الفيلم ذا ماينفع اني اتكلم فيه بدون حرق ف التكملة بتكون حرق:

حرق
🔥🔥🔥🔥🔥🔥🔥🔥🔥🔥🔥🔥🔥🔥🔥

يااه يابشر والله يااه على الفلسفة الي حصلت و كيف انها عرفت حياتها كيف بتكون وقررت انها تاخذها مثل ماهي، من وجهة نظري فكرة انهم جابوا اجسام غريبة واذا تعلمت لغتهم بتعرف الزمن ولكن بطريقة فلسفية جميلة، ماتوقعت الفيلم بيتجه الى اتجاه لويز وحياتها توقعت انه بيكون عن الاجسام الغريبة هذي و وش السر وراها على الرغم من اني عرفت من نص الفيلم تقريبًا ان ian هو زوجها ولكن ماكنت اعتقد انه بالمستقبل توقعت انهم سبق وتزوجوا وانجبوا هانا و بعدين تطلقوا ولكن متكتمين على السالفة الى ما تقابلوا عند السيارة بعد رجوع لويز من المجسم للمرة الاخيرة وسألها انتي متزوجة؟ هنا راحت شكوكي كلها ولكنه صدمني مره ثانيه ب ان تحليلي فعلًا صحيح ولكن بالزمن الخطأ. 

على العموم الفيلم جميل جدًا وقيمته 5 ممكن مع الوقت الصراحة اخليه 4 ولكن حاليًا يستحق ال 5 بالذات مع الساوندتراك لو تدرون قد اييش احب الساوندتراكات العظيمة، و ايضًا ما اتوقع اني بعتبره من اعظم الأفلام ولكنه فيلم جميل جميل جدًا وبنصح اي احد فيه.

طبعًا ذي الاعادة الرابعة الظاهر لأفلام السلسة الرهيبة ذي الي اشوف انها افضل سلسلة افلام رعب بالسينما كاملة، ومتحمس جدًا للجزء الي بينزل هالسنة يارب يكون شيء تاريخي.

براد بيت ومشاهد كوميدية مكس رهيب هههههههههههههههههههههههههههههههههههه،

طبعًا ليمونة و يوسفي كانوا توب قسم بالله، الفيلم بيعجبك اكثر اذا كان معك ناس يجيكم ضحك مب طبيعي كمية ذبات بالفيلم رهيبه، مدري كيف يمزج الدراما و الكوميديا مع بعض بهالشكل، ولا اوصف لكم كمية الموسيقى الرهيبة خصوصًا على نهاية الفيلم. 

فيلم خفيف على النفس مثل ما ان فيه سناكات بالاكل هذا يعتبر سناك بالسينما.

الزهايمر شيء مرعب والله، اداء جوليان كان شيء رهييب، الفيلم جميل صراحة ولكن احس ناقصه اشياء ولا اقصد بكلامي جوليان لأنها قدمت اداء تاريخي ولكن اقصد الفيلم احس كان يحتاج لاشياء اعمق  او شيء يميزه مثل the father الي تميز بطريقة سرد الفيلم.

اربع نجوم حقيقة بسبب اداء جوليان الرهيب،  كتقييم مجمل للفيلم ممكن ثلاث نجمات تكون منصفة.

الفيلم رقم 14 هذي السنة الي اطمح اني اوصل على الاقل فيها الى 365 فيلم، على العموم الفيلم جيد صراحة لا هو الكارثي ولا هو الي ممتاز بالنص بينهم، حسيت بملل وانا اتابع الفيلم يعني تقريبًا اخر 25د من الفيلم هي الي شالت الفيلم شيله وكانت عظيمة ومؤثرة جدًا كأنهم مسوين الفيلم كامل عشان بس الدقايق ذي الي لو كان الرتم نفسه طول الفيلم كان بيكون من افضل الأفلام

واو! والله واو يا بشرية، متخيلين من كثر ما جاز لي الفيلم تابعته على جلسة وحده بس، ثلاث ساعات و عشر دقايق تقريبًا في جلسة وحده هذي اخر مره سويتها يمكن 2020، ثالث عمل اشوفه لدامين شازل بعد whiplash و La La Land و ولا خيب ظني بالفيلم هذا بعد! اقسم بالله اخراج جميل وعبقري وفكرة رهيبة جدًا، كيف انه جمع كل هالنجوم وقدم لنا فيلم ضخم شيء يحسب له والله رغم اني ما اثق في الأفلام الي تكون مكدسة بالنجوم ولكن دامين جاب نجوم وقدم عمل ممتاز بفكرة ممتازة و اختيار خيالي للممثلين الي تحس كل واحد انولد عشان يقدم هذا الدور. 

طريقة تقسيم الفيلم لشخصيات وكل شخصية لها عالمها الخاص و بنفس الوقت متداخلين مع بعض في اغلب المشاهد شيء شيء رهييب ولا يمملك بالفيلم على انه طويل الا انك بتبقى مستمتع.

الفيلم تحسه ملييااان كله احداث و قصص تبي كوميديا ولا تبي دراما بالذاات المنحنيات الدارمية الي تصير بالقصة شيء رهيييب كيف فجاءة يسحبك من اجواء الكوميديا و الفلة والوناسة ويعطيك مشهد درامي عجييب.

الموسيقى حلوه بالفيلم مو شيء خيالي ولكن رهيبة وتعطيك جو خاص يتناسب مع كل لقطة.

تحول الشخصيات بالفيلم كان شيء ثاني، كيف انه يقدم لك الشخصيات كلهم ببداية الفيلم بحفل و يصدع راسك الى انك تعيش مع كل شخصية وتطورها الى ان توصل لنهايتها شيء رائع جدًا!

تروبي قدمت اداء مرعب والله بكل الادوار الي لعبتها و براد بيت ايضًا شخصيتة كانت خيالية يابشر هههههههههههههههههه، برضو ماننسى دييغو قدم اداء جميل والله وطبعًا عشان تعرف كمية النجوم الي بالفيلم جاب لك على اخر اربعين دقيقة تقريبًا نزل لك توبي ماغواير بدور رهيب جدًا هههههههههههههههههههههههههههههههههههه.

الفيلم فيه حوارات جميلة ايضًا بجانب انه قدم لنا شخصيات ماتنسى وتحس انك تعلقت فيهم.

نهاية الفيلم وقفلته شيء جميل بعد يعني بعد كل الاداءات و الابداع الي حصل بالفيلم كملها لنا بنهاية رائعة و صوّر لنا ثورة السينما من السينما الصامتة الى المتحدثة وقدم لنا خفايا السينما كلها كانت اشياء مدهشة.

بالختام الفيلم رائع جدًا واستمتعت فيه ويستحق العلامة الكاملة بلا شك، دامين الظاهر بيكون من اعظم المخرجين على هالافلام الحلوة.

اقسم بالله حبيت الفيلم من جميع نواحية، ياعالم فكرة الفيلم جايزه لي بشكل مب طبيعي و العلاقة بينهم ايضًا شيء رهيب، اكثر شيء عجبني يا اخوان ان القصة صحيح درامية و رومنسية ولكن قدمها لنا بطريقة جديدة وكسر للروتين والعادة في أفلام الدراما و الرومنسية، كيف قدر انه يشدني طوال الفيلم بالفكرة الجبارة هذا شيء يعجز اللسان عن وصفه، ممكن الكثير ماجازت له الفكرة او توقع شيء ثاني ولا الومهم بسبب ان الفكرة مب شرط تعجب الجميع. 

ولكن حقيقة الي يبي فكرة جديدة وتغيير وكسر الروتين الي حاصل في غالب أفلام الرومنسية و الدراما بيعجبه الفيلم جدًا.

ختامية الفيلم رائعة رائعة والله و الميوزك الي يشتغل باللحظات حاجة رهيبة، انا ودي انزل مراجعات بحرق عشان اخذ راحتي بالكلام لأني هنا صراحة احسني مقيد وفيه كلام كثيير بالخاطر لكن ما اقدر اكتبه.

اتوقع هذا واحد من اكثر الأفلام الي تناقضت فيها، احس اني متعلق في الفيلم بعد ما انهيته و بنفس الوقت انا نفس الشخص الي كنت مستعد اقفل الفيلم بعد ساعه وشيء من المتابعة، ما ادري كيف اشرح لكم حقيقة ولكن اول ساعه ونص تقريبًا حسيت بملل كبير رغم ان الفيلم يعني كان جميل بالنسبة لي ولكن مدري وش مصدر الملل ممكن انه طويل عن اللزوم يعني كان يمكن يكفي الفيلم ساعة و اربعين الى خمسين دقيقة بدل ساعتين و خمس وعشرين دقيقة.

نهاية اكثر من رائعة للفيلم، اخر الفيلم صراحة عوضني عن الملل الي حصل بالبداية.

صعب صراحة اتكلم عن الفيلم بدون ما احرق ولكن بالمجمل ومخلص لكلامي ان الفيلم مطوه شويتين ولكنه جميل و قصة جميلة و علقني فيه و في قصته ولكن ما اتوقع اني بعطيه العلامة الكاملة مع ان ودي والله.

بما اني بعمر ال 21 وقع الاختيار على فيلم 21, كان بالواتش ليست من زماان وحمدلله قررت اشوفه يوم طلع لي فجأه بنيتفلكس.

القصة حلوة وتحمسك طوال الفيلم، تعجبني الأفلام الي كذا صراحة وفيلم شبه خفيف يعني افتتاحية رائعة لأفلام اليوم.

كيفن سبيسي كعادته ابدع في دوره بشكل رهيب وشهادتي فيه مجروحه الممثل ذا واتوقع ٥٠٪؜ من الي حمسني اشوف الفيلم هو انه موجود فيه.

الفيلم مو شيء خيالي واعجازي الصراحة ولكنه جميل يعني محتار بين ثلاث نجوم ونص الى اربعة.

يااه يابشر ياكمية المشاعر الي بداخلي وانا اكتب هذي المراجعة، والله اني اكتب هذي المراجعة بعد مابكيت بكاء غير طبيعي رغم ان عندي جفاف ولو اغصب نفسي عشان تنزل دمعة ماتنزل ولكن هالفيلم خلاني ابكي بكاء متواصل والله ، الظاهر اخر فيلم بكيت فيه هو فيلم CODA و اعشق الأفلام الي تحرك المشاعر الي فيني.

ماتوقعت ولا 1% اني بتابع شيء مثل كذا، صدمني المخرج طريقة سرد الفيلم، طريقة رهيبة وعظيمة ياساتر يابشر والله اني لازلت تحت تأثير الحزن الي اعطاني اياه الفيلم.

الي زادني تعلق بالفيلم و تعجب وانبهار وقشعريرة بكل مشهد هو طريقة السرد من منظور انتوني نفسه، وكيف عيشنا شعور مرضى الزهايمر، والله شيء تاريخي ممكن البعض يحسبني معطي الفيلم اكبر من حجمه واطبل له ولكن اي فيلم يلامس مشاعري و يطلعني بشخصية و مشاعر غير عن الي دخلت فيها الفيلم معناته ذا الفيلم بالنسبة لي شيء تاريخي.

انتوني يالشايب كيف قادر تقدم مثل هالاداء وانت بالعمر ذا؟؟ اداء اوسكاري قسم بالله و يستحق الاوسكار الي اخذه بدون اي نقاش، اقسم بالله ياهو اثر فيني بتمثيله بشكل ماتتصورونه لدرجة ماني قادر اتخيل انه انسان مايعاني من الزهايمر.

اوليڤيا الي قدمت لنا شخصية آن بالفيلم ابهرتني بتمثيلها الرائع وتقمصها للمشاهد اول فيلم اشوفه لها واعجبتني جدًا.

اعيد و اكرر ماتوقعت الفيلم بيكون ممتع لهدرجة طبعًا ممتع بس بالبكاء لكن كيف انه يعيشك وكأنك انت يالمشاهد المريض بالزهايمر.

الساوندتراك الي ب اخر الفيلم ياهو عظيم يابشر والله ياهو عظيم اقسم بالله عشقته وبضيفه لقائمة افضل ساوندتراكات سمعتها وجاء بوقته بعز البكاء، بقية الموسيقى برضو الي طوال الفيلم كانت رهيبة جدًا وانا من اكثر الاشياء الي تهمني بالأفلام هو الجانب الموسيقي فيه يهمني جدًااا و اشوفه ٥٠٪؜ من العمل، ف كيف لو اجتمعت الموسيقى والمشاعر و الاخراج و التمثيل في فيلم واحد مثل هالفيلم، بدون ادنى شك اني بقيمه 5 نجوم و بنصح اي احد يتابعه.

بديت اشك اني طبلت له بشكل مب طبيعي لكن شسوي يخوان شكلي تحت تأثير الدموع للحين.

اقوم واصفق لهذا الفيلم الرهيب، اول تجربة لي بالسينما البرازيلية و اتوقع مافيه أفضل من اني ابداها بهذا الفيلم.

دخلت الفيلم بتوقعات متوسطة الحقيقة لأن كان عليه مدح كثير و برضو فيه ناس مايمدحونه ف ماكنت متأمل انه بيكون بهالشكل.

السرد رهيب جدًا بالفيلم و كيف ان الفيلم مقسم لفصول و الربط بين البداية والنهاية كان شيء جميل جدًا، مغرم قسم بالله بالقصة وكيف ان الاحداث تمشي ورا بعضها بشكل خيالي تحس كأنها معزوفة لبيتهوڤن(تعبان على المدحة).

الممثلين ممتازين جدًا و القصة كانت رائعة و اكثر من رائعة خصوصًا انها مستوحاة من قصة حقيقة.

إجرام فضيع و وحشية عجيبة بالفيلم، بعد ماخلصت الفيلم حسيت كأني طالع من العالم الإجرامي الي دخلنا فيه الفيلم.

على العموم الفيلم يستحق العلامة الكاملة بالنسبة لي.

اول فيلم انميشن بعد انقطاع شبه طويل، والاختيار كان رائع.

الحقيقة احب اتابع أفلام الانميشن من فترة لفترة خصوصًا المدبلجة تحسسني بالحنين و كمية القصص الحلوة الي فيها وتحس بنقاوة و صفواة عجيبة وكأنك في عالمك الخاص وانت في سن الطفولة.

الفيلم جميل جدًا صراحة و ممتع تبي كوميديا تبي دراما كلش موجود، والفكرة رهيبة.

الجزء الأول شفته زماان وناسي كل شيء فيه، ممكن لو متذكره كانت بتكون تجربة افضل.

ممكن تقييماتي في أفلام الانميشن تكون عاطفية كثير ولا ألوم نفسي لأنها الصدق تمتعني.

بعد ما تابعت الجزئين في جلسة وحده اقدر اقول انا من محبين السلسلة هذي ومن المنتظرين للبارت الثالث.

اسحب كلامي عن Timothée Chalamet قدم اداء تاريخي وجميل جدًا بهالجزء، تجسيده للحظات الغضب ولحظات الحزن ولحظات الفرح كانت ممتازة بشكل رائع على عكس البارت الاول الي ماكان بقوة هالبارت.

ياناس الساوندتراكات بالفيلم تاريخية وغير مستغربة الحقيقة يوم عرفت ان الي وراها هو هانز زيمر اسطورة الساوندتراكات، مب طبيعي كيف انه يدخلك بالمشاهد غصب عنك ويخليك كأنك قاعد معهم ايقوني ايقوني والله هانز.

بالبارت ذا قدموا لنا متعة كبيرة من قتالات و من حقائق كل شيء اجتمع مع بعضه بالبارت ذا، كيف انهم قدموا لك المشاهد البصرية مدعومه بالساوندتراك و التصوير و التمثيل.

نادم جدًا اني مارحت وشفته على شاشات السينما متأكد بيكون شعوري دبل هالشعور حاليًا، متحمس جدًا والله للجزء الثالث الي اتمنى انه مايقل اداء عن هالجزء الجميل، يستحق العلامة الكاملة وبجدارة.

توي خلصت متابعة الجزء الأول بعد تأجيل طويل جدًا واعجبتني نقاط كثير الحقيقة:

المؤثرات البصرية كانت رائعة جدًا بالفيلم وحاجة رهيبة ومتأكد ان تجربتي بالسينما كانت بتكون مختلفة ١٨٠ درجة.

الساوندتراكات حلوة الصراحة ولكن مب شيء خيالي.

العالم كان جميل و الشعوب الموجوده فيه، ولكن عندي سلبية وحيده تقريبًا وانا متأكد ان بيجي انتقاد عليها، تمنيت انهم اختاروا ممثل ثاني غير Timothée Chalamet لأن الصراحة فيه مشاهد لو كانت عند ممثل ثاني غيره كان طلعت بشكل ثاني افضل.

اتفهم ان الجزء ذا فيه ملل الصدق بسبب انه اول جزء وغالبًا يكون تعريفي شويتين للعالم و القصة الي يبغونها.

وعلى طول بتابع الجزء الثاني الي عندي توقعات عالية جدًا عليه من كثر ماشفت مدح عليه وتقييماته مرتفعة.

فيلم مروي عن قصة حقيقة، وقدم لنا شيء رائع من البداية إلى نهايته بدون اي لحظة ملل طوال الساعتين، اداء رهيب من اندريو وباقي الطاقم.

ساوندتراكات جميلة ومناسبة للحظات الفيلم، اعشق الأفلام الي تعطي الموسيقى حقها وتضيف جمالية كبيره للعمل وتبقى بالذاكرة.

ماعندي الكثير اقوله عن الفيلم الحقيقة الا انه كان فيلم رائع ويستحق المشاهدة.

عن وش اتكلم؟ نادم على كل لحظة ضيعتها بأني ماتابعت الفيلم فيها وكنت مستخسر اني اضيع وقتي فيه.

اداءات تاريخية من الممثلين Jackman-jake-paul-david اقسم بالله قدموا اداءات للتاريخ ودرس لكل الممثلين، تقمص بول بدور (اليكس) خيالي تقمص مرعب للشخصية و اداء يخليك تنرعب نفسيًا وانت مالك دخل، دايڤيد بدور (بوب) اتقان فضيع رغم قلة ظهوره الا انه اثبت بكل مره يظهر فيها انه ممثل بارع جدًا، وطبعًا ماننسى جاك بدور (الاب) و جيك بدور (المحقق) الي قدموا لنا مشاهد تاريخية وتتداول الى يومنا هذا سواء بالتصاميم او من ضمن افضل الاداءات، كل واحد منهم ابدع بدوره و بمشاهده، ثنائية كانت جميلة جدًا الحقيقة ولا الوم بعض الناس الي يشبحون لهم.

ساعتين ونصف تقريبًا ماحسيت فيها ب اي ملل، و من بداية الفيلم و من المشهد الاول عرفت اني مقبل على فيلم تاريخي، تعجبني الأفلام الي تعطيك الجو هذا في البداية، الاجواء رهيبة جدًا كانت بالفيلم سواء من المطر او الثلوج وكيف انها معطيه جو كبير للفيلم هذا غير الموسيقى الي كانت تجي مع المشاهد وتزيد المشهد اثارة اكثر مما هو عليه.

الفيلم الحقيقة يصفقك بجدار في كل مره تحسب انك عرفت الحل تلقى انك ضايع بالمشهد الي بعده ويدخلك بتناقضات مالها بداية ولا نهاية.

الصدمة الي حصلت نهاية الفيلم كانت جميلة جدًا لكن اتوقع كان ممكن يطلعون بشيء افضل ولكن مجملًا صدمة رائعة ونهاية رائعة.

فيلم خفيف ورهيب 1:48د استمتعت بكل دقيقة فيها سواء من الكوميديا او الدراما، ما اخفيكم حسيت بالملل شوي بالبداية ولكن بعدها الفيلم اعجبني الصدق.

اداء خيالي من كولين وذبات تاريخية الحقيقة هههههههههههههههههههههههههههههههههههه.

الموسيقى بالفيلم شيء رهيب والله يابشر بالذات البيانو الي اعشق معزوفاته.

ختامية الفيلم رائعة بعد جدًا، بالمجمل الفيلم للي يبي يتابع شيء خفيف وبنفس الوقت بيعجبك اتوقع بيكون خيار مثالي.

This is the real cinema

• The Godfather
• 12 Angry Men
• Schindler's List
• Amadeus
• GoodFellas
• Taxi Driver
• The Godfather Part II
• Scent of a Woman
• Ford v Ferrari
• Shutter Island

...plus 65 more. View the full list on Letterboxd.

Not all the movies great, but there’s a good

• Twisters
• Detachment
• Dawn of the Planet of the Apes
• Due Date
• Rush Hour 3
• Oldboy
• Heat
• The Gray Man
• 1917
• Black Panther

...plus 60 more. View the full list on Letterboxd.

• Roman Holiday
• La La Land
• A Hidden Life
• The Intern
• Big Fish
• The Father
• Eternal Sunshine of the Spotless Mind
• Mulholland Drive
• Meet Joe Black
• Mommy

...plus 14 more. View the full list on Letterboxd.

• Reservoir Dogs
• Pulp Fiction
• Inglourious Basterds
• Django Unchained
• The Hateful Eight
• Kill Bill: Vol. 1

• La La Land
• Babylon
• Whiplash

• Fight Club
• Se7en
• The Curious Case of Benjamin Button

• Interstellar
• Oppenheimer
• The Dark Knight
• Inception
• Memento
• The Prestige

• Casino
• Shutter Island
• The Wolf of Wall Street
• Taxi Driver
• GoodFellas
• The Departed
• The Irishman
• Raging Bull

• Inside Out 2
• Toy Story
• Toy Story 2
• Toy Story 3
• Ratatouille
• Minions
• How to Train Your Dragon
• Despicable Me
• Monsters, Inc.
• The Incredibles

...plus 5 more. View the full list on Letterboxd.