4v291o

ليش كلكم تعايدون هنا ؟ 
كل عام وانتم بخير

بكل صراحة ودي اقول اني انهيت المشاهدة الثامنة للفلم لكن الواقع هذي ثامن مره ينهيني فيها الفلم .
هذي ثامن مره اصفق بعد ما اخلصه 
هذي ثامن مره اقول لنفسي انا ليه عايش ؟
هذي ثامن مره بعد ما اخلص الفلم اروح ادور له ادتات تيك توك 
هذي ثامن مره اقول لنفسي قبل الفلم اني مارح انصدم من التويست
والنهاية لكن العكس ، انذهل كاني اول مره شفته وانا اتحداكم تعطوني فلم فيه تويست لكن لو شلته بيبقى ١٠/١٠؟ فقط فايت  كلوب ، وفايت كلوب مب عن ثنين يتلاكمون وبالنهاية تصير مفاجأة هو عن فقدان الهوية كيف الواحد ممكن تلقاه عايش ٣٥ سنة بس انه ما يعرف هو وش يبي فحياته وماشي مع القطيع هو عن العبودية الحديثة والحياة الروتينية المملة ومثل ما قال تايلر" you're not your job "
" you're not how much money you have in the bank "
" you're not the car you drive "
" you're not the contents of your wallet "
" you're not your fucking khakis "
" you're the all singing and all dancing crap of the world "
" we work jobs we hate , to buy things we dont need , to impress people we dont like "
وطبعًا لو اكمل المقولات اللي بالفلم بتصير لحالها ٣٠ سطر اذا ماكانت كذا ، بختصار فايت كلوب اكثر فلم لامسني ووصل لي رسايل لامستني جدًا وهو فيلمي المفضل للأبد وايه صح بالله اي واحد يقلل من الفلم ويشوفه " عادي " او " منفوخ " يبلكني الله لا يهينه لاني مب ناقص ذوق تعبان وتفكير سطحي يمر على ذي التحفة ويقول عنه overrated .التقييم ؟ هو اللي يقيمني والله استحي اقيمه

الفلم حلو بس فيه اغلاط كثير لكن كل شي بيصير منطقي اذا دريت ان الكاتب نفس كاتب فورست جمب 

لكن اكثر شيئين عجبوني بالفلم السرد و التصوير والسينماتوغرافي تحفةبس الفلم مفروض مايكون ٣ ساعات الا شوي يعني حسيته طويل مره كانوا يقدرون يخلصونه بساعتين ، لكن المشكلة الكبرى بالفلم هي ان فيه اشياء غبية و تسليك للبطل شوي لكن اعيد واكرر كل شي ييصير منطقي اذا دريت ان الكاتب نفس كاتب فورست جمب

النهاية صادمة وانذهلت منها بس مااحسها بنفس القدر اللي يتكلمون عنها الناس لكن لا تزال عبقريه مره والله 
و كيفن سبيسي ( Kevin Spacey ) ما تابعت له الا سيفين وذا يوجال سسبكت بس يقلع شكله يدخل توب 5 اكثر ممثلين يعرفون يمثلون شخصيات متخلفة عقليًا للاسف سلبيتي الوحيدة مع الفلم اول ٢٠-٣٠ دقيقه كانت مملة وبطيئة

اول فلم اتابعه للمخرج تارانتينو وبداية مُبشرة بالخير
اول شي تمدحه فالفلم الحوارات والسرد هذي اقوى شيئين بالفلم خصوصا الحوارات مره حلوه ومشحونه توتر وغصب بتركز مع الفلم وبيشدك ( نقطة تُحسب له ) وافتتاحية الفلم وحوار البقشيش كان اختيار موفق لبداية فلم زي كذا و استعمال الفلاش باكات فكرة موفقة جدا وان الفلم كأنه يمشي على خط تعارفهم وكيف وصلوا للجريمة و خط ثاني لاحداث الجريمة والجريمة نفسها كانت مره جميله بس بعض الحوارات اللي بالماضي تكون مُمطه والحدث يطولونه شوي لسببً ما 

🔴🔴🔴🔴🔴🔴🔴🔴🔴🔴🔴🔴🔴🔴🔴🔴🔴🔴

حرررررق تحت 

فيه شيئين ما اعجبوني بالفلم اللي هم 
- ثقة مستر وايت الغريبة بمستر اورنج يعني مايعرف اسمه وتوه متعرف عليه بس كان مستعد يضحي بنفسه ويقتل رئيسة وولد رئيسه عشانه- ان الرئيس ( جو ) قرر ان مستر اورنج شرطي وخائن بدون اي دليل وقال انه يعتمد عالحدس والغريزه ومدري وش ( للعلم انه عرض حياته وحياة ولده وحياة مستر وايت للقتل بسبب حدسه الغريب )

الفلم بشكل عام كان عادي ما فيه اي شي مميز لكن فيه شخصية هي لا الفيلن ولا الشخصية الرئيسية ولا خوي الشخصية الرئيسية شالت الفلم اللي هو هانيبال ليكتر والشخصيات الثانية كانوا جيدين نسبيًا والدكتور كان السبب الرئيسي بإن الفلم يكون مميز عند الناس لكن عندي يظل فلم عادي جدا

التصوير مب شين و الفكرة مب شينه سلبيته ان فيه لقطات بالفلم كان ماله داعي الموسيقى حسيت انهم اقحموها غصب ، ببعض اللقطات بس

ياااسساتر. انا وووش شفت والله تاااريخي مدري امدح جاك نيكلسون ولا مات ديمون ولا ليوناردو ولا مييين 
تبي اداءات؟ تبي احداث ؟ تبي نهاية غير متوقعة ؟ تبي حبكة وتوتر وتويستات وكل شي ؟ كلها ب ذا ديبارتد حتى حوارات الشخصيات مشحونه توتر ورتم الاحداث سريييع وورا بعض رغم ان الفلم البعض بيشوفه طويل ( ساعتين ونص ) الا ان الاحداث سريعه ومن بداية الفلم يشدك والله تاريخي والنهاية ياساتر بعد والله فلم متكامل وتاريخي يخش 
توب سكورسيزي

جميل واداء جيك اسطوري ذا الممثل اسطوري والله ومظلوم

اخر مره شفت الفلم منزماااان مرررره
اداء هيث لدجر اوسكاري الشخصيات ممتازة التمثيل مجملًا ممتاز و هيث لدجر اسطوري ، الحوارات اسطورية والتوتر بينهم كان موزون وجميل الفلم كان قريب جدًا للـ١٠/١٠ بس احس فيه شي منقصه لل٩ مدري وشو ونهاية باتمان حلوة بس الجوكر ماحبيت انها كانت مفتوحة يليت ورونا مشهد او اي شي عنه بس النهاية نفسها حلوةمشكلتي مع الفلم اول ٣٠-٤٠ دقيقه كانت بطيئة مره الشي الممتاز فيها المشهد الافتتاحي مررة اسطوري
واحتمال وارد اني ارفعه للـ١٠

هههههههههههههههههههههههههههههههههههههههههههههههههههه

هذي ثالث مراجعة اكتبها لان كل شوي اعدل بكلامي 

ديفيد فينشر تاكدت انه من اقوى المخرجين وموهوب جدًا ومظلوم ، ولي نص ساعة مدري اعطيه ٤ ولا ٤.٥ لكن بعبر عن الفلم بكلامي هذا
الفلم بنى لنا سوداوية وتوتر مب طبيعي توقعت النهاية بيكون شي انفجاري ومحاكمة او اي شي النهاية مافيها صدمة قوية ولا سوداويتها اضعف بكثير من اللي بنوه للفلم و رواية ايمي كانت ضعيفه وفيها ثغرات لكن ممكن كانوا يبون يتصمتون عنها و خلاص يمشون الليلة مشكلتي الوحيدة بس بالنهاية هي حلوة بس مب قد التوقعات والبناء اللي بالبداية

اسلوب الطرح جميل و التمثيل جميل بس الفلم مررره مرررره عاااادي والنهاية ما اعجبتني سعيدة بزيادة
الفلم يتكلم عن شخص مشلول جسمه بالكامل ما عدى رجله اليسار و كيف صار فنان ورسام ( القصة حقيقية )

اح اح اح يالكئابة الحين اذا الفلم حزنني بزياده ازوده ولا انقصه بس والله تجربة لا تُنسى

" The saddest thing in life is wasted talent " ... 

 لو جيتني وخليتني اقرا النص واشوف فكرة الفلم عالورق بيكون من  افلامي المفضله التطبيق حلو بس مب بروعة النص ، حبيت الحي و الاجواء اللي فيه والحوارات والعبارات اللي بالفلم افضل شي شفته والعلاقة بين ابو البطل ( دي نيرو ) و سي و علاقته مع سوني كانت جميله ماعندي الا ملاحظتين اللي هي تمثيل البنت ( جاين ) فيه ٣ مشاهد كانت معصبه وحزينه و سعيده وكلها نفس الملامح احسني اشوف شي متصنع ١٠٠٪؜ ما دخلتني جو معها و الملاحظة الثانية هي وين ام سي ؟ فجاة اختفت يوم كبر مالها حضور ولا تكلموا عنها ولا شي هل هم شالوها عشان يركزون بالعلاقة مع البطل وابوه ؟ يعني يقدرون يسوون اشياء افضل من انها تختفي ومعد تجي ب ولا مشهد ولا انقال اسمها .. احتمال كبير ارفعه للـ١٠ فلم جميل جدا بسبب الحوارات والمقولات اللي لو احطها لحالها بالمراجعة بتكون المراجعة فيها ٤٠ سطر  ، وطبعا الفلم من اخراج وبطولة اعظم ممثل بالتاريييخ 🐐

والله مدري وش اقول بس يعطيه العافية ، اداء دي نيرو اسطوري بس الفلم مدري وش يبي + ((( بحاول ))) ذي الفترة اشوف افلام دي نيرو

البنتين يوم دخلوا المصحة خرب الفلم والنهاية والمشهد الاخير مافهمتها ١٠٠٪؜

تُحفة .

هذا ويش

فلم يعتمد الـ nostalgia والعاطفة ٩٩٪؜ مافيه حبكة واحداث وكتابة قوية ، وكان فيه مبالغة بالعاطفة بشكل يغث والفترة اللي كان مراهق فيها ازق شي وخربت الفلم مره كنت احس اني جالس اشوف مسلسل تركي والله مملة مملة بشكل مب طبيعي فلم بسيط مره والناس يحبونه عشان حب السينما واللي كانت باول ساعة والساعة الاولى ممتازة وممتعه لكن بعدها ؟ حسيت اني اشوف مسلسل تركي فيه مبالغه والدراما الزايده وخلتني اطفش والفلم فقد بريقه وصار ثقيل وممل ، والبنت جابوها عشان يفحمون الجانب العاطفي وجودها مزعج جدا وما اعجبني و النهاية كانت جيدة بس ابطت عليه انها تكون عظيمة ، متوقعه وماعطتني التأثير القوي وحسستني بقيمتها يعني تاثرت شوي بس ما تاثرت لدرجة اني اقول ياساتر يالمشهد العظيم بكيت وترابط الاحداث سيء  . بختصار فلم منفوخ وماخذ اكبر من حقه ولو تبي تتابعه وتتوقع انك بتشوف فلم محبوك بكتابة خنفشاريه لا تتابعه ،

ما قدرت اكمله والله .. شفت اول نص ساعة ومليانه هدوووءء وتأمل مافيه شي يصير دي نيرو يشرب قهوة دي نيرو يسوق دي نيرو يتأمل وانت تتأمل وسكورسيزي ما يصنف ان الفلم مافيا اكثر من انه عن الندم ومرور الوقت والوحدة يمكن الغلط مني لاني شفته ومتوقع شي زي goodfellas فيه اثارة وسريع بالرتم ومليان حياة ، ذا ايرش مان بطيء وثقيل وهااادي مره اللي شافوه هل اعطيه فرصة ثانية وهو يستاهل ؟ بس سكورسيزي الله يصلحه مسوي فلم ٤ ساعات تقريبًا !!! ياساتر

Whats in the booxx ? Whats in the boxx ?

اذا جيت و سألتني و ش افضل ٥ نهايات شفتها ووش اكثر ٣ افلام رتمها مثالي وسريع جوابي بكل تأكيد se7en فينشر سوا لنا فلم مثالي على جميع الأصعدة من كتابة من شخصيات من احداث من تمثيل من   نهاية و الفلين ( كيفن سبايسي ) قدم اداء  تاريخي ، هذا الفلم ما قد شفت احد حاطه بالتوب ٥ ليش ؟

 " ITS NOT YOUR FAULT "
جميل والله ولو عدته بعطيه تقييم اعلى وياشباب تراني اعشق هذي الافلام اللي عنده فلم بنفس نوعيته ( مدري وشلون اشرح نوعيته ) يعطيني وبتابعها صدقوني

ااااااااا انا وش شفت ؟

احس اني ماعطيت الفلم حقه من المدح ،، حرفيًا كل ما اعيد فايت كلوب أقتنع انه نزل عشاني  ديفيد فينشر صاد جوي بالفلم ذا من القصة من التويست من شخصية تايلر والراوي ومن ناديهم فلمي المفضل أحسه يعبر عني ، للمعلومية ما شفت الا فلمين لديفيد فينشر وكلهم ١٠/١٠ اللي هم فايت كلوب و سيفين عطوني فلم اتابعه لديفيد فينشر و اذا عطيته ٩ وفوق فهذا مخرجي المفضل ، فايت كلوب فلمي المفضل الفلم قابل للاعادة ١٠٠٠ مره لو تشوفه ٥ مرات بالاسبوع منتب طافش ، فلم مقرب لقلبي

الفلم خلاني ادخل معه جو بطريقة بشكل و أحب الافلام القضية الواحدة اللي عنده يعطيني ، الفلم جميل بس ياليت ركزوا لنا على جانب عائلة الاب شوي ماحسيت كان لهم تأثير بالقصة

بكيت من السينماتوغرافية ، absolute cinema

فلم مثالي على جميع الاصعدة من شخصيات من قصة من تمثييييل من كتابة من اخراج  بس احتاج اي شخص يبرر لي ليش يكره ذا الفلم لاني لاحظت الفلم مكروه بشكل ، وللمعلومية ماتابعت the king of comedy بس الجوكر عظيم 👏🏼

عادي

ما تابعت الفلم ولا اعرف وش قصته ولا اعرف شي بس اللي اعرفه ان كيوبرك بعد مانزل الفلم ب ساعات فطس ، وش سوا بالفلم وتكلم عن مين واصلًا ليش الفلم اقدر اتابعه ب اماكن كثير ، اللي تابعه يقولنا

 " As far as can I always wanted to be a gangster "
قسم بالله فلم يوريك كيف سكورسيزي مخرج عبقري لمسة الكوميديا بالفلم اسطورية و فيه كوميديا سوداء اسطورية والحوارات حلووووة والفلم ما ودك يخلص والله فلم عظيم

دمج الدراما والكوميديا ماكانت انسيابية

شفت اول نص ساعة وكل دقيقتين جابوا لك لقطة اباحية و النص ساعة ذي طول الوقت فيها تعري وقفلته

الموسيقى والساوندتراك من الافضل بالتاريخ وانا مغمض السينماتوغرافي مب طبيعي الدراما مؤثرة ومميزه واعجبتني مره  رتم الفلم سريع وماحسيت بالثلاث ساعات وتجربتي مع الفلم جدًا جميلة حرفيًا دخلت جو مع الفلم بشكل مب طبيعي السلبيات ان فيه اشياء غير مفهومة و ماشفت احد فهمها صراحتًا ركزوا عالجانب العلمي بشكل يغث شوي و فيه اشياء مدري شلون صارت بالفلم مثل خويهم ذو البشرة السمراء وشلون انتظرهم ٢٣ سنة ؟ ، الفلم حلو  و هل بعيده مره ثانية ؟ ايه بلا شك ، ( فلم مميز )

الثاني افضل بس برضو تاريخي

Loneliness has followed me whole life everywhere in bars in cars sidewalks store everywhere there’s no escape I’m gods lonely man

" ABSOLUTE CINEMA 🐐 "

يعني شوفوا هو احس اني ظالمه بس الفلم mid و احداثه بطيئة بس احس لو عدته بزوده لاني اتذكر اشياء بالفلم كانت جميلة زي الحواراتلكن بكل صراحة فيه سلبيات ما يستاهل التطبيل اللي جاه

فلم كثيره عليه ٤.٥ و قليله عليه ٤

حلو انصح فيه مره

Watched on Monday February 17, 2025.

مناظره منزمان من كم شهر بس نسيت اقيمه المهم جامد

كنت اهوجس

حلو بس النهاية تسليكية

جميل

احسني ظالمه مررره

ياخي اعشق النهايات اللي زي كذا زيه وزي se7en احب نهايتهم والتويست عظيم وبختصار فلم عظيم