4v291o

اول ساعه من الفلم كانت جباره صدق متعه لاتوصف من كل النواحي فلسفياً عاطفياً احداث تخليك مشدود الاعصاب طوال الوقت 
الساعه الثانيه كانت جيده صراحه لكن لو الفلم استمر بنفس رتم الساعه الاولى بيكون شي جدا
 اسطوري

ثقو فيني وتابعوه فلم جبارررررررر قصه وشخصيات وكوميديا وموسيقى ورعب وكل شي فلم شبه متكامل بذات الحماس الي يصير باخر ساعه كان شي رهيب مره

This review may contain spoilers.

الفلم هذا اخذ سلبيات الاول وحسنها بكل امانه الا ان في بعض السلبيات من بينها الكت بين المشاهد وبعض القرارات الغريبه صراحه شي مبهر يوم تشوف فلم فيه كميه cgi هذي بعام مثل  1980 صراحه احيي الفلم على كميه الافكار الي فيه وكميه الحوارات الي كانت رهيبه وشخصيه يودا الرهيب الي بنسبه لي اشوف له دور كبير مره بالمستقبل واعجبني الساوند الي حطو بشكل متناسق مع اللقطات واخر قتال كان عباره عن شي شاعري و نفسي ورهيب مره

الكشف عن هويه دارك فيدر على انه ابو لوك كانت صدمه قويه جدا ويوم كان يخاول يقنعه انه يختار الطريق الي هو ماشي عليه طريق التدمير والشر كان شي مصيري ومرعب بكل امانه توتر على طول الدقايق الي ظهر فيها دارك فيدر وهو يقطع يد لوك ويقنعه بانه يجي معه ويصيرون واحد  

الفلم صراحه كان ممتاز وعلى توقعي بالضبط تجربه رهيبه جداً

Watched on Tuesday May 20, 2025.

Watched on Friday May 16, 2025.

هذا الفلم يعطيك مناعه من الدم اقسم بالله انه من اقرف الافلام الي تابعتها بحياتي فلم مرعب و دموي بزياده بشكل اكثر من المعتاد حرفياً الدمويه الي فيه زياده عن اللزوم وطبعا انا ادمي عندي فوبيا من المهرجين ولبسهم بشكل عام فالفلم هذا ماقصر معي خلاني طول الساعتين متوتر وعلى اعصابي حرفيا 

نهايه الفلم ما اعجبتني صراحه وفيها هبد لكن كانت دسمه مره

والله من افضل الافلام عندي وكل مره انصدم من النهايه كاني اول مره اشوفها تحفه فنيه تستاهل الاشاده والانصاف

فيلم Amadeus
ياخي مجنون تحس إنك قاعد تشوف عبقري مجنون، اللي هو موزارت، بس القصة كلها تنشاف من عيون واحد ثاني يغار منه اسمه سالييري.

تخيل واحد يحاول يرضي ربه ويصير فنان كبير، وفجأة يجيه واحد تصرفاته أطفال بس عبقري بشكل يخوف!
الغيـرة ذبحت سالييري، صار يشوف موزارت شي جاي من السما، ويحس إن ربه ظلمه!

التمثيل؟ بطل.
الموسيقى؟ تذوب.
اللبس والديكور؟ تحس فعلاً إنك بزمنهم.
 
اللبس والديكور شي لحاله رفع الفلم بشكل مو طبيعي شي مجنون ملابس الشخصيات والاجواء عبارة تحفه فنيه اقولك شي ؟ هذا افضل فلم شفته من ذي الناحيه و من ناحيه الموسيقى

الفلم هذا فتني بعالمه واجوائه فلم جبار جداً وهذي مراجعتي له 

الوحدة في الزحمة:

الفيلم يدور في مدينة مزدحمة مثل هونغ كونغ، فيها آلاف الناس، لكن الشخصيات تشعر بوحدة عميقة. الرسالة هنا تقول إن الوحدة ما لها علاقة بعدد الناس حولك، بل بحجم الفراغ اللي داخلك.

الروتين كمهرب:

الشخصيات تلجأ لأشياء غريبة: عدّ التواريخ، تكرار الأفعال، سماع نفس الأغنية، كأنها تبغى تتحكم بشيء في حياتها وسط فوضى المشاعر. الفيلم يطرح سؤال: هل الروتين يحميك؟ أو يحبسك؟

الحب كمجرد لحظة:

الفيلم ما يعرض الحب كـ “نهاية سعيدة”، بل كلحظة عبور، أو تصادم بين روحين. أحيانًا هاللحظة تكون كافية. وونغ كار واي يؤمن إن الحُب ما يحتاج يكتمل عشان يكون مهم.

⸻

2. أسلوب السرد والتصوير:

الزمن المائع:

الفيلم يتعامل مع الوقت بطريقة شعرية. ما يهتم بالترتيب أو بالتسلسل، بل كيف نحس باللحظة. اللحظات الطويلة تُعرض كأنها ومضة، واللحظات القصيرة تتمدد.

الكاميرا كمرآة نفسية:

طريقة التصوير مو  تقليدية. الكاميرا تهتز، تتحرك بسرعة أو ببطء شديد، أحيانًا تكون غامضة أو مشوشة، لأنها تحاكي الحالة الذهنية للشخصيات. كأنك تشوف العالم من داخلهم.

⸻

3. الموسيقى كذاكرة:

الموسيقى في الفيلم مو مجرد خلفية، بل عنصر أساسي في بناء المشاعر. تكرار نفس الأغنية يعكس كيف نعلق على مشاعر معينة، نكرر لحظة في بالنا عشرات المرات… مو لأنها مهمة، بل لأنها مؤلمة أو عزيزة.

⸻

4. نظرة إنسانية:

الفيلم ما يحكم على شخصياته، حتى لو كانت غريبة أو تتصرف بشكل غير منطقي. يعامل كل شخصية بحنان، وكأن يقول: “ما نعرف كل شيء عن الناس، بس نقدر نحسهم.”

⸻

5. الموضوع الأهم: العبور والتغير

فكرة “العبور” مركزية في الفيلم:
 • الناس تمر في حياتنا، وأحيانًا نمر في حياة ناس ونغيّر شيء فيهم بدون ما ندري.
 • التغيير مو دايم يكون كبير… أحيانًا مجرد لمسة، أو كلمة، أو لحظة صمت كافية.

⸻

في النهاية:

Chungking Express فيلم عن البشر وهم يحاولون يفهمون مشاعرهم في عالم مزدحم وسريع. فيلم يتكلم بلغة المشاعر، بالألوان، بالموسيقى، بالصمت… أكثر من الكلمات.

هو فيلم للناس اللي يمرّون بأوقات ما يقدرون يوصفونها، بس يحسونها

فيلم مدرسة الروك واحد من الأفلام اللي فعلاً تحسها خفيفة على القلب ومليانة طاقة، وتخليك تبتسم وانت تتابعه. الفيلم من بطولة جاك بلاك، وخل أقولك، الرجال صح عطى الدور حقه، يعني مو طبيعي كمية الحماس والجنون اللي كان فيه.

قصة الفيلم باختصار تدور حول شخص اسمه ديوي فين، وهو موسيقي فاشل وحياته ماشية بالبركة، يعني ما عنده وظيفة ولا فلوس، ولا حتى احترام الناس له. بس قلبه كله حب للموسيقى، خصوصًا الروك. في يوم من الأيام، يصير له موقف يضطر يتنكر فيه كمدرس بديل في مدرسة ابتدائية راقية، عشان ياخذ مكان خويه بالغلط.

الحلو في الموضوع إن ديوي، بدل ما يدرّس العيال المواد العادية، قرر يسوي شي مجنون: يحول الصف إلى فرقة روك! يبدأ يكتشف مواهب العيال، وكل واحد يعطيه دور معين في الفرقة، واحد يعزف، واحد يغني، وحده تصير مديرة أعمالهم، وهكذا. وبطريقة غريبة، تبدأ العيال تتحمس وتبدع، وتكتشف شغفها بالموسيقى.

اللي يخلي الفيلم ممتع هو إن جاك بلاك فعلاً يعيّش الدور. طريقته، تعابير وجهه، صياحه، حتى وهو يعلم العيال كيف يعزفون، تحس كأنك تبي تصفق له من الحماس. الكوميديا بالفيلم مو مصطنعة، بالعكس، كلها طالعة من المواقف العفوية اللي تصير بينه وبين العيال.

من ناحية الرسالة، الفيلم يتكلم عن موضوع حلو: إن التعليم مو دايم لازم يكون رسمي وجاف. مرات، الإبداع والشغف يعلمون أكثر من أي كتاب. ديوي علم العيال الثقة بالنفس، وخلاهم يؤمنون بقدراتهم، حتى لو المجتمع ما كان يشوفهم كذا.

العيال بعد تمثيلهم رهيب، خصوصاً إن أغلبهم فعلاً يعرفون يعزفون، فما تحس إنهم تمثيلهم ضعيف أو متكلف. فيه لقطات تصير وانت تضحك من قلب، وفيه لحظات تحس فيها بالمشاعر، خصوصاً لما العيال يبدأون يثبتون نفسهم ويطلعون من قوقعتهم.

الموسيقى بالفيلم بعد من أقوى عناصره، خصوصًا إذا تحب . وتحديداً فرقه acdc الأغاني ممتعة، والحماس اللي يصير في حفلة النهاية يخليك تبي تقوم تهز راسك مع الإيقاع.

الفيلم ما هو درامي ثقيل ولا قصة عميقة، بس هو من نوعية الأفلام اللي تفتح النفس، وتخليك تبتسم وتنبسط. ممتع، خفيف، وفيه طاقة إيجابية

فلم ينقصه الكثير من احداث الى تبسيط بعض المشاهد والحوارات حيث ان الفلم كان مفعم بال لقطات الغريبه اعرف انه فلم دراسه نفس لكن هذا الشي مايمنع انك تبسط بعض الامور لكن حسنه الفلم كانت بعض الحوارات والتصوير واختيار زواياً التصوير الرائعه جداً شي من طراز رفيع الفلم للاسف دخلته بمعنويات عاليه وعلى كلام شخص قال انه 
(اعظم فلم بتاريخ السينما) 
هذي كلمه جداً قويه وتخيب امالي بافلام كثيره مثل سايكو و لالالاند الفلم جيد وبعيده عشان اتاكد من التقييم

مرثية حلم (Requiem for a Dream)
فيلم مو سهل تنساه، يصدمك، يهزك، ويخليك تعيد التفكير بأحلامك وطريقك.
قصة عن الإدمان، مو بس على المخدرات، بل على الأمل، الشهرة، الحب، وحتى الهروب من الواقع.
التمثيل خرافي، والموسيقى… تدخل لأعماقك.
تحفة سوداوية مؤلمة، لكنها واقعية جداً.
ناهيك عن الاخراج الاسطوري و التصوير الخرافي الي اقدر اوصفه بكلمه وحده (ايقوني ) هكذا تصف التصوير والاخراج بهذا الفلم الاسطوري 

إذا ما شفته، أنت على موعد مع تجربة سينمائية غير تقليدية.

تحذير: الفيلم غير مناسب ابد لناس الحساسه او الي عنده مشاكل اسريه او مشاكل ادمان

الشي الصادم ان قصه هذا الفلم حقيقيه والشي الصدام اكثر اداء دي كابريو كان شي تاريخي جداً اعجبني التصوير وطريقه كلام دي كابريو وقت مايتكلم مع الكاميره القصه عظيمه والاحداث بعد كانت دسمه مره واسطوريه الفلم هذا دخل التوب عندي وبراحه بعد حواراته وتصويره والاخراج ولمسات سكورسيزي كلهم 10/10 الفلم بعيده فوق الخمس مرات اقل شي 

طبعاً هذا بنسبه لي افضل اداء لدي كابريو براحه وافضل اداء له بنسبه لي وسكورسيزي ابدع جداً بهذاً الفلم اشوفه ثاني افضل فلم تابعته له بكل امانه استمتعت جداً حرفيا الثلاث ساعات كانها ثلاث دقايق ماحسيت بالوقت ابداً

لاتعليق صراحه حطيت له قلب عشان تمثيل ستيف بس

فلم Midnight in Paris فلم جميل جدا بصرياً و موسيقياً وتمثيلياً الفلم ساحر جداً يعطيك شعور رائع وفكره السفر عبر الزمن اسطوريه لكن ماتستوعبها الا بنص الفلم

تحفه فنيه

where's my mind 😵‍💫 
حرفياً هذا الفلم اعطاني متعه مستحيل اتخيلها الفلم هذا خلاني افكر كثيييييير وانا بنص الفلم قلت بعيده عشان اقدر احذ نظريات واوصل لنهايه قبل البطل لكن والله الفلم يقولك تخسي يحشرك حشر مو صاحي 
قصه انتقام ماتحصلها باي عمل قصه عميقه وملخبطه لكن محبوكه بشكل اسطوري الفلم هذا حمسني اتابع لسينما الكوريه لان في افلام كثير سمعت عليها مدح قوي 

القصه تتكلم عن شخص  يقوم ويحصل نفسه بسجن غريب ويقعد 15 سنه فيه ولكن بيوم من الايام يصحى من النوم ويحصل نفسه خارج السجن هذا وتستمر الاحداث 

شخصيات العمل كانت حلوه ومعطيه جو اسطوري للفلم ودخولهم مع الاحداث كان شي جبار صراحه وعلى طاري الاحداث الاحداث كانت عباره عن 🔥 حرفيا طبخ شي جباااااار احداث دسمه بشكل مو طبيعي وصعب تتوقع وش بيصير لان الفلم كله مفاجأت وحبكات وعلى طاري الحبكات 

الفلم هذا يمتلك وحده من اقوى الحبكات بتاريخ السينما شي ماقد تكرر الفلم يعطيك الامان بالبدايه لكن يشبعك صدمات حرفيا نهاية الفلم من اقوى النهايات بتاريخ الافلام بنسبه لي على الاقل توب 3 براحه مافي فلم يحطمك بالنهايه زي ذا الفلم 

الموسيقى بالفلم كان شي محنون ورهيب والاخراج كذالك انا شخص اعشق الاخراج الاسيوي مثل الياباني او الكوري لانه يكون شي ابداعي اكثر من انه تجاري حرفيا الفلم متعه بصريه من ناحيه التصوير وكذالك مستحيل انسى اختيار زوايا التصوير الي كانت شي يدرس صواحه 

النهايه كانت سوداويه و مرعبه وما اكذب عليكم لو قلت اني قعدت ارتجف بسببها اقسم بالله الصدمات الي صارت وقوة الاحداث الموجوده فيها خلتني اقول احا يمكن ميتين مره تجننت بسببها وانا خايف استمر بالكلام واحرق 

علعموم هذا الفلم بيكون بوابتي لسينما الكوريه صراحه 
يستحق المشاهدة 9.5/10

ادريان برودي من افضل الممثلين 

هذا الكلام قلته ودايم اشوف راي متضارب عن هذا الراي لكن فلم Detachment اثبت هذا الشي الفلم هذا حرفياً ما استهبل خلاني شوي وابكي ما استهبل والله العظيم في مشاهد كنت اقول لنفسي ليش هذا المشهد خلاني ادمع والله العظيم ياناس ما ابالغ لكن هذا من افضل الافلام عندي لانه يحاكي شي كثران بمجتمعنا وهو الاكتئاب واحب الاعمال الي كذا 

التصوير والاخراج بالعمل من اروع مايكون ويكاد يكون افضل تصوير شفته صراحه لان مو طبيعي اختيار المشاهد والزوايا لانها كان ممتاز جداً 

القصه رهيبه جدا وفلسفه الفلم اعجبتني 
كيف ان المعلم يعالج مشاكل الناس وهو تارك مشكلته المعلم يتلقى الضغط من كل الجهات ولكن مو عارف كيف يواجه هذا الضغط وهذا الشي الي تسبب له بتراكمات كثيرة وخلته ينفجر امام صديقته 

اجواء الفلم كئيبه مره ورهيبه مره بعد حبيت الاجواء جداً وتعامل المعلم مع التلاميذ مثلا الي مسوي انه مهجد الصف وهو طقوع ولا الزنجي ولد الحواري او البنت السمينه الي هي من اكثر الشخصيات الحزينه الي شفتها بحياتي 

حبكه الفلم كانت حلوه وكئيبه وسوداويه جداً شي كان محزن مره لكن النهايه كانت حلوه بكل امانه الفلم كتقييم فعلي بيكون 8/10 
لكن بنسبه لي كتفضيل شخصي اشوفه يستاهل العلامه الكامله 10/10

Watched on Tuesday March 25, 2025.

تحتوي على حرق 

الفلم هذا خلاني ارتجف بنهايته  
فلم باسم الاب هو عباره تجربه حيه لظلم وكيف انك ممكن تظلم وتروح 15 سنه من حياتك بمجرد انك الشخص الخطأ كيف ان احبابك وأقربائك تضررو من شي انت لاعلاقة لك به 

الفلم هذا جسد لك الظلم بعينه اعطاك شعور الحزن والغضب على المتهم بغير بحق جيري كونلون الفلم مرات كثير كان بيخليني ابكي اقسم بالله مافي فلم سوى فيني كذا مشهد المحكمه الي مستحيل انساها الاولى والاخيره كانو مشاهد خالده بتاريخ السينما وكلمته بنهايه المحكمه  (انا رجل حر ساخرج من الباب الرئيسي) اعطتني نشوه مستحيل اتخيلها 

الشخصيات كانت رائعه جدا واعجبتني والشي الي يصدم هو ان الفلم قصته حقيقه وحصلت بالفعل وهذا ما زاد احترامي لهذا الفلم حبيت طريقه كتابه شخصيه جيري بحيث انه خلاه بالبدايه الايرلندي الي مايعرف الحقوق وكانو الشرطه يستجوبونه بالضرب والعنف وهذا ممنوع اصلا فالقانون الى ان جاء وقت محاكمته وصار اي شي ضده او اي شي يمس له صار يعرف يتعامل معه وهذا الي خلاني احب الفلم اكثر 

سلبيه الفلم الي اشوفها غريبه شوي هي تقطيع اللقطات كان شوي غريب صراحه في بعض الاحيان ولا اعجبتني ابد وبعد كان في نطه طويله ب15 سنه تمنيت تصير احداث برا السجن يوريك كيف الحياه برا وكيف الناس جاها خبر الامساك بجيري ادري انه صار لكن تمنيت لقطات اكثر لكن عادي 

تمثيل دي لويس هو الي علقني بالفلم ومعلومه ترا تابعت الفلم مرتين بيومين ورا بعض حرفياً علعموم دانيل دي لويس كلعاده ابدع بهذا الفلم وتحديداً وقت المحاكمه كان شي مجنون ووقت ما انجن يوم كان يفكر كيف ان حياته تدمرت بسبب شي ماسواها خسر ابوه وسمعته و ناسه واهله وحريته بسبب شي ماله اي علاقه فيه وجنونه بعد التفكير بهذا الشي كان شي اسطوري وعاطفي جداً

نهايه الفلم كان عباره عن تدريس حرفياً من اقوى النهايات الي شفتها نهايه شعريه مليانه مشاعر ومليانه حماس واثارة وضغط نفسي وابدعت صراحه ايما طومسون بدور المحاميه وقت ما كانت تتكلم مع القاضي وتطلع الادله وتحشر المحامين فيها كان شعور اقوى من انك تنتشي بكيلو كوكاين حرفياً شعور عظيمممم نهايه ولا اروع بتحرر جيري واصدقائه واحس النهايه فيها لمحه من تشي جيفارا حسيت اني انا الي تحررت مو جيري 

فلم ايقوني يستحق المشاهده وبقوه

انا شخص احب الافلام الي تكون احداثها مستحيل تنساها وتكون فيها اشياء شاطحه هذا الفلم اعطاني نشوه من المتعه فلم ملغم احداث انا متابع نص الفلم زمان تقريباً قبل 8 سنوات لكن ما اتذكر غير الحفله وهي تقريباً امتع شي بالفلم انا شخص احب الروك والفلم هذا عزف معزوفه اسطوريه والله العظيم بعيداً التصوير كان ممتاز والاخراج بعد الحبكه كانت حلوه وجميله كنت خايف من الحبكه لان الفلم يتكلم عن التنقل على الزمن وهذا شي صعب مو كل عمل يقدر يقدمه بطريقه ممتازه 

لكن باك تو ذا فيوتشر قدمه بشكل ممتاز ومميز ونجح بهذا بدون نظريات علميه ولا شي حرفياً شي بسيط جداً احب هذا النوع من الافلام مره 

الفلم خفت انه مايعجبني بسبب انه فيه مراهقين وقلت شكل القصه ملغمه قصص تنمر وبالفعل موجوده لكن والله العظيم ضبطوها وحطو فيها حبكه جميله وراح تضحك منها وتستمتع شي ممتع هذا الفلم

اهخخخخ💔 من افضل الافلام الي شفتها بحياتي ياناس فلم عظيمممممم اقسم بالله بنهايه الفلم بغيت ابكي ياناس اثر فيني بشكل مهول حبيت طريقه التصوير رغم ان الفلم مر عليه 77 سنه لكن والله العظيم انه افضل من اغلب الافلام الي نزلت بعده فلم بقصه بسيطه لكن تم سردها بشكل عظيم الفلم أعطاني موسيقى جميله باحداث اسطوريه مليانه مشاعر واحاسيس  فلم يخليك تضحك تبتسم تبكي فلم يخليك تحس بالنعمه الي انت فيها يوريك كيف البطل جورج محبوب القريه الي الكل يعرفه ويحترمه يقلب حياته السعيده  بسبب شي بسيط من عدوه بوتر

جورج بدال من ان يحل المشكله راح وهاوش عياله و اصدقائه وراح الحانه وشرب مع ان الحل بسيط كان يقدر يجمع تبرعات من اهالي القريه ويقدر ينقذ نفسه لكن التسرع بكره الحياه اعماه عن الحل البسيط والله الفلم يستاهل العلامه الكامله بكل جداره فلم يعطيك درس ان الحياه دائماً على قد ماتعطيك سعاده وراحه 
بتعطيك عسكها 

الفلم هذا اعتبره تحفه خالده بتاريخ السينما ودرس لكل مخرج يبي قصه دراميه بعيده عن العصابات الخيال العلمي اقدر اقول انه من التوب 5 والله العظيم وتراني ما اطبل ابداً الفلم اعجبني بشكل مرعب وصدقوني الفلم اشوفه رساله اكثر من انه فلم سينمائي شكرا 🤍

فلم سايكو من الافلام الي تسمع عنها مدح مرعب وانا متفهم هذا الشي لكن بنسبه لي اشوفه فلم من جيد الى ممتاز من تحفه السينما الكلاسيكية لكن الفلم يفتقر لاشياء كثير منها الاخراج الي كان سيء في مشاهد كانت ساذجه اخطاء غريبه لكن عذرهم الإمكانيات وانا متفهم هذا الشي لكن هنالك افلام كثيره نزلت بنفس الوقت لكن قدمت شي افضل لكن حديثنا عن سايكو الشخصيه التي قدمها المخرج الايقوني هتشكوك وكتابته لاكثر شخصيه معقده نفسياً شفتها تقريباً نورمان بيتز وعلاقته مع امه الكتابه بالعمل كانت شي يُشكر عليه هتشكوك التصوير كان جيد صراحه لكن الفلم يفتقر للاخراج فلقطات الطعن كانت مضحكه اكثر من انها مرعبه والفلم كان يستطيع ان يكون بالالوان لكن بسبب الدماء والرقابه الشديده بذالك الوقت اختار المخرج توظيف الفلم بالابيض والاسود ، الموسيقى هي اعظم شي بالفلم ابداع بكل ماتعنيه الكلمة من معنى وفق المخرج باختياره للقطات التي تظهر فيها الموسيقى واصلا قالها المخرج سايكو بدون موسيقته يعتبر فلم ممل الموسيقى بالفلم اعتبره من اعظم الافلام الي قدمت موسيقى وهي تعتبر موسيقى خالده في افلام الرعب

فلم ذا دارك نايت كان فلم  عظيم وايقوني من افضل الافلام الي شفتها الفلم لو تشوفه الف مره مابتطفش منه ابد وهذي ميزه من ميزاته التصوير كان ايقون والحوارات والاحداث كان عظيمه جداً استمتعت بكل ثانيه بالفلم واشوفه من اكمل افلام التاريخ بنسبه لي

Watched on Friday March 14, 2025.

افتتاحيه منتاز لثلاثيه اثق فيها موسيقى ممتازه مميزه بطابع الغرب الامريكي القاسي  تصوير رغم قدميه الا انه ممتاز جداً بكتابه وحوارات جميله سلبيه الفلم كان القتل صراحه كان ابدا غير مقنع يعني تمنيت لو تعبو شوي وحطو ولو دم بسيط لكن شي غريب كيف تصير مجزره ولا نقطه دم فيها

من افضل الافلام الاستعراضيه الموسيقيه الي شفتها فلم خلاني ارقص معهم حرفياً كانت تجربه اسطوريه صحيح في بعض  السلبيات البسطيه مثل الكوميديا التي ببعض الاحيان تكون سخيفه ولكن في هذيك الايام كانت المحدوديه طاغيه على السينما ولكن رغم هذا الا ان هذه التحفه اقدر اصنفها ثاني اعظم فلم موسيقي بتاريخ بنسبه لي والشي المضحك ان لالالاند اخذ اشياء كثيره من هذا الفلم ولكن طبقها بشكل اسوء بكثير بعيداً الفلم اسطوره من كلاسيكيات السينما ويستحق المشاهدة بكل تاكيد

فلم رهيب جداً احب اجواء الفلم مره اجواء كئيبه وسوداويه ذات طابع مخيب وغير مطمن فلم  مليان رمزيات وحقين نظريات المؤامره يحبونه مره ومالومهم لان ستانلي بهذا الفلم جاب العيد حط منظمه سريه ويقصد الماسونيه انا شخصياً اشوف ان الماسونيه كلام فاضي لكن كيوبريك شكلهم على شكل مرعب وغير معتاد الموسيقى المختاره بالفلم كان راقيه ورائعه جدا سلبيات الفلم ان في احداث ممله صراحه وحسيت ان مالها داعي والنهايه مايحتاج كلام عنها

  تحفه كوينتن تارنتينو الخالده
بنسبه لي هذا افضل فلم شفته لتارنتينو فلم ممتع بشكل عجيب البداية كانت تعطيك انطباع كامل عن وش بيصير بالفلم من جلد قصه انتقاميه رائعه بفلين اسطوري وابداع الأسطوره ليوناردو دي كابريو بدور الفلن والارتجال الي سواه كان شي مجنون وصامويل جاكسون وادائه بدور الزنجي الخاضع للبيض كان تحفه اخر نص ساعه من الفلم كان ايقونيه بكل التفاصيل جلد بجلد والاوستات يمكن من اقوى الافلام الي فيها موسيقى صراحه وفق تارنتينو باختيارها كنت بسحب على الفلم لكن الحمدلله اني تابعته صحيح في بعض العيوب بالفلم مثل التمطيط وقت مايمشون بالحصان وكان ممله لكن توريك نظره العبيد لشخص مثلهم راكب حصان ولابس احسن الملابس الفكره الي بيوصلها تارنتينو كان واضحه لكن عطاك اياها بشكل اسطوري حرفياً

الفلم هذا صمم لي حرفياً كل شي احبه موجود بهذا الفلم مثلا فكره الموسيقى كانت شي عظيمممممم جداً فلم اعطاني كل شي حزن دراما حماس متعه موسيقيه ما انساها واختيارهم لالبومي من فرقتي المفضله خلاني احترم جداً هذا العمل التوستات الي بالفلم كانت حلوه مره والخيانات كانت معطيه جو اسطوري للفلم والتصوير بالفلم لازم ينصف صراحه شي فاخر جداً في كم لقطه غبيه بالفلم لكن الاشياء الثانيه بالفلم تغطي عنها  صراحه صحيح في لقطات بوليوديه لكن كانت ممتعه وتطور شخصيه بيبي اعجبني مره من شخص خجول جداً ولا يتكلم حتى الى شخص يقتل بدم بارد من اجل حمايه من يحب حتى لو كلفه الامر حياة زملائه تاريخي هذا الفلم والله يستحق المشاهده وبقوه

صراحه فلم ماوقفت ضحك منه ياناس اقسم بالله شي اسطوري ذا الفلم اعطاني تجربه كوميديه رومنسيه اسطوريه تمنيت انه ماينتهي اقسم بالله متعه انا تعجبني الافلام الي كلها ضحك يعني بالله من مهتم بالحبكه والقصه بالافلام الكوميديه ؟ اتوقع محد والفلم هذا اعطاني قصه جمليه وكوميديا ماتنتهي اقسم بالله كل الفلم وانا اضحك او على الاقل مبتسم اتمنى الجزء الثاني يكون بنفس روعه الاول

والله يستاهل خمس نجوم فلم اسطوري جداً رائع من كل المقاييس اشوفه افضل فلم انيميشن شفته زي الاسد الملك وبمكن احسن منه كتابه شخصيه تاي لونغ كان شي مجنون شي اسطوري كيف يوزن ببن الدراما والكوميديا كان شي رائع حلو مره كيف بدالك البداية عن طريق حلم لبو وانهم اعترفو فيه انه شخص مهم زي ماصار بالنهايه النهايه حلوه وكل شي بس القتال الاخير احبطني شوي الي هو بين لونغ تاي وبو صح انه التنين الجديد لكن لونغ تاي توقعت منه شي كبير لان جلد شيفو و المعلمين الخمسه ويجيه بو و يشقه بكل سهوله تمنيت لو انه تعب معه ولو كان بشي بسيط لكن استمعت صراحه

اذكره كان فلم جميل ضحكت فيه كثير واستمتعت فيه صح ان النص الاول تقريباً كان خراً مره لكن اذكر وقت ماجو القروش كان ممتع يعني فلو تابعه وانت مطفي مخك مره
(تابعته بالسنيما)

اسوء فلم شفته بحياتي فلم سيء من كل النواحي قصه cgi تصوير شخصيات كل شي بالفلم زق ضيعت وقتي على الفاضي فلم من سقطات السينما حتى نهايته متخلفه الفلم بكبره متخلف احداث غير منطقيه احس منتج الفلم قال ابي اسوي اكثر فلم مامنه فايده بتاريخ ياناس تخيلو ان طول الفلم يبني احداث فالنهايه يجلطك ويطلع كل شي نامنه فايده فلم طبلو له كثير للاسل وقعت بالافخ وما اسامح المغربي الي قالي انه افضل فلم رعب بتاريخ عفن سنيمائي والله لو الفلم انتهى بطريقه يخليني اضحك على الغباء كان ممكن اعطيه نجمه بس والله خيب ضني + الي يبي يشوف اسوء CGI بتاريخ يبحث عن حق ذا الفلم صدقوني ضحك

الفلم هذا تابعته اعاده عرض بالسينما وكانت تجربه عظيمه تابعته وانا مو داري وين الله حاطني بعالم سبايدرمان رغم مشاهدتي لثلاث افلام لسبايدرمان لكن كانت من فتره طويله  ماكنت فاهم العالم كيف ماشي وماكنت عارف بعض الفلن و دكتور ستون كنت ناسيه لكن رغم كل هذي المصاعب كان فلم حميل جداً ويمكن افضل فلم لسبايدرمان شفته اذكر النشوه الي جتني يوم شفت قتالهم الاخير وتجمع كل شخصيات سبايدرمان من عوالم مختلفه والنهايه يوم البنت ماتتذكر تومي كانت حزينه صح ناسي بعض الاحداث لكن متاكد انها مو مهمه محتار هل اعطيه 4 نجوم او ثلاث ونص لان صراحه اذكره فلم جميل جداً وعطني متعه ما انساها

Watched on Sunday February 27, 2022.

فلم حلو بس غريب صراحه فيه كل التصانيف حرفيا كلهم رعب دراما حزن كوميديا دم عنف كلو كلو لكن صراحه تحفه والله اعجبني مره اشوفه فلم من روائع 2019 سنه حافله والله العظيم ونهايته يمكن اكثر نهايه صدمتني مو نهايه محبوكه لالا نهايه متخلفه يعني تحطها من بروجيكت اكس والشله ذيك النهايه خلتني اقول فاك اربعين مره لكن والله فلم بفكره ممتازه ورائعه ويستحق المشاهد لانه فلم خفايف مره يعني تتكلم عن ساعه ونص تقريباً بسيط مره

كفلم رعب كان ممتاز جدا وكان مسبب لي عقده مع الدماء وللان والله

فلم خيال علمي ممتاز جداً للاسطوره ستيفن سبيلبرغ الفلم رائع صراحه الا بكم شي بتكلم عنهم شوي الفلم رغم انه انتج بسنه 1993 الا ان المؤثرات البصريه كانت ممتازه جداً واختيار الديناصورات كان موفق والأداء التمثيلي كان روعه لكن عيب الفلم هو اول ساعه اول ساعه كانت لطيفه لكن ممله والله ادري انه تعريف بالعالم والشخصيات لكن مايكون ساعه كامله  الحماس بالفلم مايبدا الا بالساعه الثانيه من الفلم فلك ان تتخيل اول ساعه بالفلم ماتشوف فيها ولا ديناصور بس تسمع ذابات خايسه من شخصيه من الشخصيات الشخصيات كانت قليل وهذا قلل من نسبه قتل الشخصيات والخوف عليهم تقريبا ممكن ماتشوفونها سلبيه لكن بنظري كانت شي سيء صراحه تمنيت لو الاحداث تطلع شوي من وسط الجزيره يعني يوريك الديناصورات الثانيه الي تكون باطراف الجزيره لكن ماكانت مشكله او سلبيه بالاصح 
فلم جميل واستمتعت فيها جداً يستاهل المشاهدة بكل تاكيد

قصتي مع هذا العفن 

تابعته بالسنيما اول مانزل وتابعته بقاعه بريميوم وكنت اتوقع انه فلم سعودي ممتاز على الاقل او اقل شي يكون حلو لكن تفاجأت انه اسوء فلم تابعت بحياتي للان فلم حاول يضبط المرض النفسي واضطراب مابعد الصدمة ولكن طبقها بشكل غبيي جداً يعني بالله عليكم وين الناس عنه ماتعلمه ان اهله ميتين ليه مخلينه كذا ؟ اقسم بالله فلم غبي جداً التصوير كان عادي الشخصيات سيئه جداً الاخراج كان حليو حسنه الفلم انه حطو حدي نظر بمشهد وكان حلو الفلم احداثه غبيه والمكياج الي مستخدمينه كان شي يفشل بشكل غريب و السكرين قرين حقهم اسوء من انك تنام وانت مو متسحر اقسم بالله تجربه سيئه جداً لدرجه القاعه كلهم والله العظيم كلهم يسفلون بالفلم بصوت عالي وكلهم على جولاتهم

من اجمل افلام الانميشن تحفه فنيه دايم اعيده

والله فلم غريب مره لكن اذكره كان جميل ومليان لقطات غبيه

ذا برستيج من الافلام الي ممكن تكرهها بسبب التعقيد الزايد بكل امانه لكن طبيعي لانك تتابع فلم لسير كريستوفر نولان
الفلم اعطاني نشوه سنمائيه مستحيل انساها سواء من اخراج او كتابه او شخصيات واحداث ونهايه فلم شبه متكامل الفلم مليان حبكات وصدمات مستحيل تنساها وامور فلسفيه عظيمه فلسفه الهويه كانت شي اسطوري والمخرج ابدع بتصويرها لك بشكل ممتاز يخدم به قصته تصوير المشاهد واختيار الزوايا كان شي ممتاز واستخدامه لاختراعات نيكولاس تسلا كان شي جميل جداً  لكن سلبيه الفلم كانت انه معقد بزياده كان يقدر يكون ابسط من كذا لكن 

فلم ممتع واسطوري ويستحق المشاهده

الفلم هذا غير من شخصيتي صراحه لان فلسفه الفلم كان شي جميل كيف ان اي شي يكون جميل جداً في نظرك قد ينقلب ويكون شي عادي اذا عرفت حقيقته هذا مايحاول إيصاله الفلم او على الاقل من فهمي له يتكلم عن ازمه منتصف العمر وتمثيل الاسطوره كيفن سبيسي ظاهره من ظواهر السينما صراحه اداء بهذا الفلم كان اسطوري واخذ فيه الاوسكار الفلم فيه كوميديا دراما حزن اباحيه عنف عمق فلسفه فيه كل شي يعني فلم يقدم لك كل شي ممتع لكن للاسف في فترات كان الفلم ممل فيها والله وبعد شاهدته على فترتين للاسف الي حزني ونزل من تقييمه لكن والله يستحق المشاهده

الفلم جميل جداً ويفتنك بقصته وبعالمه ولكن ولكن ولكن التمثيل بهذا الفلم هو عنوان للكمال التمثيلي حرفياً من اقوى الادائت  الي شفتها بحياتي ويمكن يكون الاقوى لكن مايفرق بين اقوى اداء وثاني اقوى اداء لان كلهم من الاسطوره دانيل دي لويس ممكن اقولك انه اقوى اداء وممكن اقولك my left foot اقوى لكن كلهم كانو تحف فنيه مستحيل انساها صراحه انصحه بالفلم وبشده لكن عيبه رتم الاحداث شوي ممل صراحه في بعض الاحيان اطفش لكن تمثيل دي لويس يبهرني دايم الحوارات رهيبه جداً والتصوير كذالك و بعد امكان التصوير كانت ممتازه لأبعد درجه الشخصيات جميله الموسيقى جميله استمتعت بالفلم واكيد بيكون من ضمن افضل 15 او 20 او يمكن حتى 10 افضل افلام شفتها بحياتي اسطوره خالده بتاريخ السينما تستحق المشاهدة ❤️

فلم سيره ذاتيه عن الرسام المقعد كرستي براون هذا الفلم عطاني افضل اداء فردي لممثل شفته بحياتي يعني قوة تمثيل عجيبه تحسه معاق صدق مو تمثيل طبعا وشي طبيعي انه فلم لسير دانيل دي لويس الاسطوره بعالم السينماء فلم خفيف لطيف وسهل جداً ذوق كوميديا رائعه ودراما مبكيه و تصوير جميل وتمثيل من كل الشخصيات بشكل رائع الاحداث كانت جميله فلم استمتعت بكل دقيقه فيه وله اعاده خاصه يستاهل وقت حرفيا

هذا الفلم ممكن مايعجب الكل لانه فلم مليان رمزيات واشوفه مو مناسب لناس الجديده على السينما لكن الفلم تحفه صراحه رائع جدا فلم رعب بدون جمب سكير سخيف او قاتل يلحق الشخصية الرئيسية الي مستحيل تموت او مثلا جن او مخلوقات غريبه لا لا لا الفلين بهذا الفلم هو الدين والعادات الغريبه والغير منطقيه بمعنى ان المخرج صور الجماعه الدينيه هذي على شكل لطيف جداً بملابس بيضاء ناعمه وجميله للعين و الكل يرقص وسعيد ولكن بمجرد بدأ العادات الدينيه تكتشف الحقيقه المره بان ليس كل شي ابيض وجميل هو حقاً الخير ورجال الدين ليسو الا مجرد ناس مخرفه وخرقاء صراحه انا ضد اغلب الافكار الي بالفلم صراحه لان مو كل الاديان كذا لكن فاهم المقصد ويمكن اتفق معه (يمكن) التصووير تحفه صراحه واختيار لقطات الون شوت كانت ممتازه جداً وتحفه وأجواء الفلم رهيبه مره لكن عيبه ان الشخصيات مافيهم عمق ابد يعني كانو يقدرون يخلون الشخصيات لهم دور اكثر بكثير انا اعرف ان التركيز النهايه ودورهم كلن لنهايه لكن على الاقل عطهم نص ساعه زياده لكن الشكوى لله الموسيقى ممتازه والحوارات رهيبه صراحه والاحداث شالت الفلم مره فلم midsommar كان فلم اسطوري له اعاده صراحه 9/10

اكثر فلم توقعته منفوخ واكثر فلم عطاني خازوق لانه من اقوى الافلام الي شفتها بحياتي فكره الخطايا السبع كانت شي اسطوري وكيف ان قاتل يقتل بهدف نبيل يعني ماتقدر توقف ضد لان كل شخص قتله يعتبر عاله على المجتمع وشخص يستحق القتل مثل خطيئه الشهوه او الغرور او مثلا الغضب احداث الفلم رهيبه جداً وسريعه وكل لقطه بالفلم بتكون راسخه براسك والشخصيات وتمثيلها شي اعجازي اداء براد بيت الاسطوري والي اشوفه المفروض يدرسونه بجامعات الفنون لانه شي عظيم بذات بالنهايه  الي مستحيل تنساها وماراح تتوقعها لانه اخر شي ممكن تتوقعه والاخراج اسطوري والله لو امدح فيه مت اليوم الين بكره مابخلص

تحفه فنيه مستحيل انساها 

Whats in the Box 📦💔

غريب انه اعجبني !

حبيته

كلهم افلام عظميه لكن اول سته هم المعنى للكمال السنمائي

1. The Godfather
2. GoodFellas
3. It's a Wonderful Life
4. One Flew Over the Cuckoo's Nest
5. 12 Angry Men
6. The Usual Suspects
7. A Clockwork Orange
8. The Shining
9. Fight Club
10. Dead Poets Society

...plus 28 more. View the full list on Letterboxd.

• Come and See
• The Shawshank Redemption
• Schindler's List
• After Hours
• The Long Goodbye