4v291o

تابعته امس ولين الحين مدري وش اقول 

مافيه كلام براسي حوارات جميله شخصيات كل شي ابداع😓❤️

الاعاده الثانيه من بعد سنه من المشاهده هذا الفلم تعريف لكلمة

 تحفه

Underrated 

اكثر فلم صحت فيه في حياتي

Amadeus

في عالم الحسد ،العبقريه،والانهيار تحفة فرومان الخالده 

تابعت الفلم قبل أسبوعين وكنت نايم نصه وماكنت مركز ولا ناوي أقيمه حتى حرفيا ماكنت اعرف لا احداث لا حوارات لا شخصيات لكن اليوم اليوم عدته ومتحسف على كل دقيقه وعلى كل ثانيه وعلى كل جزء من الثانيه راحت في المشاهده الاولى اعتبرها خطئيه سينمائيه ندمان ندمان وين كنت على العظمه ذي؟

الكل يعرف موزارت بس مين يعرفه فعلا من شافه كأنسان مو كرمز للنجاح 
الفلم يفتح لنا نافذه على واحده من اعقد العلاقات النفسيه بين شخصيتين في تاريخ السينما العداوه العظيمه والصداقه المبطنه بين انطونيو سالييري وموزارت

موزارت مو اسطوره في هذا الفلم زي مانعرفه هو طفل في جسد رجل عبقري مزاجي مندفع مسموم بالموهبة ومضروب بالفقر والمرض 
وسالييري مثقف محترم متدين ناجح اجتماعياً لكن محطم من الداخل لانه يعرف الحقيقه الي مايقدر يتهرب منها 
مهما تعلم ومهما اجتهد ماراح يوصل لموهبة موزارت الفطريه 

أجمل شي في الفلم ان عداء سالييري مو جاي من غيره بسيطه هذا صراع وجودي الرجل يشوف موهبة موزارت دليل عن الله ظالم يشوف ان  الرب اختار شخص تافه طائش ومايستحق واعطاه العبقريه الي هو كان يصلي طول عمره عشان ينالها

وهنا تكمن العبقريه فلم عن غيره نعم عن إيمان طبعا عن فن اكيد لكنه اعمق من كذا الفلم هو عن انسان حقيقي في واقعنا  انسان يواجه حدود نفسه ويشوف ان العدل ماله مكان في العالم  هذا الانسان موجود وسيبقى موجود 

فرومان ابدع مو بس في اخراج في تحويل سيره ذاتيه إلى عمل درامي عظيم أسطوري
ديكور ولا أروع موسيقى  تصوير كل شي كانه أوبرا بصريه
والأداءات والله مقدر اتكلم من عظمته فاز الي آداء شخصية سالييري بالأوسكار وفعلا يستحق 

النهايه  عظيمه تاريخيه أسطوريه عظمه عظمه موزارت ينرمي في قبر مع مجموعه ولا احد وراه لكن هو كان مؤمن انه رح يعيش للابد وهذا شي حقيقي موزارت ليؤمنا هذا عايش وسيبقى عايش لآخر يوم بمعزوفاته العظيمه  اما سالييري هو الخاسر سئم من الرب وماحاول وبعد موزارت نسى ونست معاه  معزوفاته 

مافيه فلم  بعد كل مشهد أصفق له والله آخر ساعه كلها تصفيق مو متخيل الي شفته

كنت اتمنى يجيبون معزوفات مشهوره لموزرات وتعرف الناس ليه هو عظيم لذي الدرجه

جاء الأكل وقررت أعيده أنا مغرم مغرم مغرم بالحوارات ذكيه عميقه + مافيه تويست يضحكني اكثر من ذا

كنت اتابع ايرشمان  سحبت عليه من الملل تنصحوني أكمله؟

Rewatch 3

Every time I rewatch Oppenheimer I ask the same questions why didn’t everyone love this?

Now it’s officially in my Top 2 and I can’t forget how it felt watching in cinema The silence the sound the face 

For me Oppenheimer is

The best soundtrack 

The best cinematography 

The most powerful script 

I thank Rewatch 4 it might just become my favorite movie of all time

أوبنهايمر معذب فانزات افلام الاكشن وأفضل فلم لنولان وأفضل فلم للعقد الحالي

ذا الإنسان مب طبيعي والله  فيه مشكله  يعني الفلم معقد لكن مانتبهت لذا الجانب فقط استمتعت مره مره والأجواء جدا عجبتني لكن  العلاقه قرف قرف قرف قرف وعبالي بس كذا علاقه بعدين طلع لا القصه متمحوره حول العلاقه ذي  يع أما الباقي واو مقدر أوصفه 🤗

I’m not an animal!
فلم كسر خاطري من اول مشهد  تعرف انك قادم على مشاهده موجعه وقاسيه وراقيه كل الناس تتكلم عن جمال الروح لكن الحقيقه اول شي يحكمون الناس عنه هو الشكل والمسكين جون ميرك كان ضحيه لهذا الشي طوال حياته تنقل من سرك لسرك من نظرات الناس لعذابه مع كل هذا كان فيه انسان طيب داخله وذكي حساس ويموت على الكلمه الطيبه 

الشي الي شدني اكثر من اي شي ثاني هو انه كيف لينش مع انه دايم يحب يعقد الأمور هنا طلع لنا بفلم بسيط مؤلم مايحتاج رموز وفلسفه زايده يكفيك المشاهد والحس بالوجع
انتوني هوبكنز بعد ابدع وحتى الباقيين ابدعو 
مشاهد موزونه لأتمطيط ولا استعراض الأبيض والأسود عطى الفلم طباع كلاسيكي راقي 
الفلم يخليك تتعلم معنى الانسانيه وتعيد تفكيرك في نظرتك للناس

صحححححححت

فلم مبني على لاوعي وفيه عمق واضح ودراسه نفسيه لكن الصراحه اول شي ديفيد لينش مجنون مب انسان طبيعي يعني والله مب فاهم كثير من الي صار حتى شفت له شرح ومافهمت بس عجبني الأداء والنهايه بردت قلبي شوي وصلتني فكرة ان الي يجيب عيال لازم يتحمل مسوؤليتهم ومايتركهم لكن الباقي💔💔😂 ولاشي

فلمي الجاي the elephant man  ومتحمس له

ياحبيبي وش ذي القذاره ذا اكثر فلم لتارنتينو قذر لا حوارات لا شخصيات  لا تصوير لا اداء الأداء قرف من وين ذول الممثلين إلا الرجال كان عظيم لكن تارنتينو يحب يعطب النهايه  عطيته ذا التقييم عشانه تارنتينو بس

I think I watch this movie before 
 يعني احس حرفيا  اني عشت ذي الأجواء ذي التفاصيل الشخصيات المشاعر يمكن لان اعشق الراويه بشكل كبير وكنت متوقع انعجب بالفلم لكن مو كذا تكفون وش ذا الجمال !!❤️❤️

القصه باختصار
اربع خوات ومستقبلهم  دراما وعلاقات نفسيه ووين كل أخت راحت في طريقها وكل حلم كبر او تغير او انكسر والرومانسيه اخخ بس💔

اكثر مشهد ضحكني
يوم طلع سول قودمان بشخصية الأب😂💀 ماقدرت ماضحك خصوصا بوجهه إلجاد وسط كل الطاقه

اكثر مشهد صيحني حرق 🔥 
لما ماتت أختهم ماصحت لكن حسيت بثقل بحزن ساكن النوع الي يوم يخلص المشهد تقعد صافن دقايق والمشهد الي صدمني يوم جو كانت تتوقع وكان عندها امل ان لوري يرجع يطلب يدها لكن لا انتهي 💔💔

بدون حرق
خطيين زمنينماكان واضح بالبدايه لكن عبقرية غريتا طلعت باستخدام الأوان
البني والدافئ = الماضي
الأزرق والبارد = الحاضر
في كل مره كنت أميّز من الآوان ماحتاج حتى لحوار فقط مشاهد 
تعلقت بكل شي حرفيا 
كل شخصيه كل جمله كل لقطه آخر 40 دقيقه عشرين دقيقه صياح وعشرين دقيقه مبتسم فلم  ناعم مؤلم لطيف بنفس الوقت
السينماتغورافيعشق توزيع الكادرات الملابس البيت حتى الإضاءات لوحه فنيه فعلا
ليه ماعطيته خمس نجومالصراحه احس الفلم نسواني بزياده 😭😂ولو عطيته خمسه بينقص هرمون الرجوله😏😏
بس للامانه يستاهل خمسه وأكثر😂😂

اول عشرين دقيقه كانت ممله ل سيئه لكن بعدها اوفف والعظمه مافيه كلام حوارات احداث شخصيات نهايه كل شي تاريخ  
تارنتينو المبدع

يعني حاولت لكن مقدر أعيش بدونه🤗🤗

يعني مآبي اكذب لكن يأنه انحرق علي او اني ذكي بزياده توقعته من البدايه لكن فلم بايخ مقرف حوارات  ماشدتني وأداء زبال وقصه ازبل حسافه الوقت الي  ضيعته  على الفلم

Eyes wide shut رؤية كيوبريك المرعبه والاخيره
آخر افلام كيوبريك وأكثرها تعقيد وأكثرها رمزيات
رحله في عالم الأوهام والرموز والسلطه الخفيه فلم ماتوقف عن كونه سينما لا تجاوزها ليتكلم عن اشياء محد تكلم عنها
الفلم يتكلم عن التحكم بالعالم خلف الستار عن الطقوس وعن الطبقات الي مانشوفها وعن الإنسان الي يبداً يشك بكل شي
حذف من الفلم ثلاثين دقيقه ومحد يقدر يقنعني أنها ماكان تحمل حقائق اكثر واخطر فلم تقول مستحيل يكون خيال خصوصا لما تشوف كيف مات كيوبريك بنفس ظروف الفلم!!! حتى توم كروز ونيكول كيدمان الي كانو متزوجين تطلقو بعد الفلم مباشره

الإخراج مرعب
السينماتوغرافي حلم وكابوس في نفس الوقت
الموسيقى تحس انك مراقب من نفس الجماعه 
والرموز اكثر من اي فلم شفته في حياتي يمكن حتى اكثر من the shining 
الناس الي تنتقد الفلم لانه اباحي بزياده اتفق بس أنا اشوف ان هالجانب مقصود من كيوبريك وكيوبريك استخدمه كاداه لتكتشف جوانب المظلم من النخبه

أنا متاكد لو ماحذفو 30 دقيقه من الفلم كان ممكن يصير افضل فلم شفته في حياتي لكن يبقى بالنسبه لي افضل فلم أخرجه كيوبريك

الفلم مقسم إلى فصلين 
فصل التدريب وفصل فيتنام لكن بالنسبه لي الفلم انتهى فعليا مع نهاية الفصل الاول

الفصل الاول كان عبقري كتابه تمثيل شخصيات اخراج كل شي كان متكامل التدريب  في البحريه طريقة تعامل الجنرال مع الجنود والضغط النفسي والنتيجه الصادمة في النهايه كانت من اعظم المشاهد في افلام كيوبريك وفي التاريخ

حرق 🔥 🔥 
شخصية ليونارد كانت مكتوبه بشكل نفسي عميق اخذ من الجوكر البرود ومن الجنرال القسوه وانتهى فيه الحال منتحر الجنرال كان يبغى يصنع منهم قتله وليونارد فعلها لكن على مين؟ ياكمية العبقريه بس

اما الفصل الثاني بالنسبه لي كان ضعيف 
حوارات سطحيه احداث مشتته ماكان أبدا بمستوى النصف الاول الشي الوحيد  الي يشفع له هو شخصية الجوكر وتناقضه الداخلي من جندي ساخر في التدريب إلى مراسل يعيش صراع داخلي وسط فوضى 
ماننسى اكيد الإخراج العظيم مو كيوبريك والسينماتغورافي الخرافيه
تقييمي
الفصل الاول 1000/10
 الفصل الثاني 6/10

A has removed this review.

الفلم يبداً بواحدة من اعظم الافتتاحيات في تاريخ السينما

I’m Alex and this is my  droogies 
بنظره مباشره لناحية الكاميرا كعادة كيوبريك 
الفلم يبداً بالعنف والشر  بجانب واضح وبال خير والحب بأغاني مغنى أليكس المفضل الفلم مليان رمزيات مليان مليان مليان  من اغاني من اجواء من كل شي ولو تبي تفهم اغلب الأشياء 
شرح من عنيا يشرح اغلب الرمزيات  ويوضح لك كيف الفلم عظيم

اما عن  الفلم بالنسبه لي 
 واحد من اعظم الافلام في التاريخ  أنا ماقدر استوعب كيف كل العبقريه من المخرج والكتابه المتقنه ذا الفلم نادر ماتشوف مثله  ذا الفلم من الافلام  الي يشدك من اول ثانيه  ممتع جدا وعميق جدا  لو تشوف ذكاء كيوبريك كيف خلاك تتعاطف مع أليكس ذكاء ذكاء  والله  الفلم وضح لك مهما تسوي تبقى إنسان ولازم في العالم إنسانيه ووضح لك القيود البشريه طريقة التصوير في الفلم تخليك تحس انك انت مع أليكس وذي شي متعمد من كيوبريك  ووضح لك   مهما كان الإنسان سيء فيه خير  الفلم ناقش مواضيع إنسانيه عميقه في علم النفس ومقدر اشرحها من كثرها 
يستحق المشاهده 

ماتتوقع أبدا انك داخل على فلم ساخر كوميدي وغير واقعي كل شي قاله كيوبريك في البدايه قال انه غير واقعي لكن كذبه الفلم حقيقي جدا كيوبريك كان ناوي يسوي فلم حربي لكن السخريه والكوميديا والسوداء صارت جزء من الحقيقيه مو بس أسلوب نظرة كيوبريك للحرب
القصه جنرال أمريكي يطلق خطة R ضربة نوويه على الاتحاد السوفييتي من جهه ثانيه مساعده يحاول يوقفه ويعرف الرمز عشان ماتصير الكارثه الجنود يتصرفون كانّها نكته وبعدها تنقلب وجوههم لما يعرفو ان الوضع جدي فعلا

الرئيس الأمريكي من جهه يحاول يوقف الكارثه وفيه واحد منهم يبي القنبله تضرب وكانّه مافيه حل غيرها الشخصيه ذي واقعيه جدا عنصري ضد الشيوعين مايشوف فيهم اي إنسانيه بالضبط مثل الجنرال الي كان مؤمن ان الشيوعيين مايشربون ماء عادي طريقة تفكيره مضحكه لكنها جدي

الرئيس الأمريكي كان ضعيف جدا قدام الروسي وهذ كان لصالح الروسي إلي أصلا هدفه السرقه بالمقابل نشوف شخصية دكتور سترينجرلوف النازي الي يشتغل مع امريكا بعد ماقال الروسي انهم صنعو قنبله مدمر في وقت المناقشات بينهم هم وأمريكا سترينجرلوف يقترح نبدأ من جديد من تحت الارض ونختار الناس حب ذكائهم والنساء حسب إثارتهم ويوم يتكلم عن الخطه يرفع يده بالتحيه النازيه بدون مايقدر يتحكم بيده وذي الحاله اسمها Alien Hand syndrome الرمزيه هنا قويه جدا ومعناها الأفكار الي كانت تدور في راس الدكتور كانت أفكار نازيه وشي واقعي حدث في الحرب العالميه الثانيه يعني انه اشتغل مع امريكا لكن مايقدر يهرب من أفكاره النازيه
 الأغاني الرومانسيه في البدايه والنهايه وحتى وسط الحرب ومع ذي الرمزيه و المجالات الاباحيه وحبيبة احد الشخصيات  هو ان رغبة الإنسان للجنس نفس رغبته للحرب واقعيه تامه
الممثل العظيم بيتر سيلز إلي اداء ثلاث شخصيات الرئيس الأمريكي ودكتور سترينجرلوف والكابتن البريطاني ثلاث شخصيات مختلفه من حيت لغه ولهجه وتعابير وكل شي وكان ممكن يودي شخصيه رابعه لكن بأسباب شخصيه وعدم إتقانه للهجة تاكساس ماداءاه حتى باقي الشخصيات اداء عظيم جدا من لحظات غضب وكوميديا فلم درس عن الأداء 

فلم درس عن الأداء درس عن الحوارات  درس عن الإخراج درس في السخريه والكوميديا فلم ذكي جدا مو عادي ويستحق المشاهده

 أسبوع كيوبريك
بعيدا عن الفلم هذا الأسبوع او من السبت لين الأربعاء  بتابع أعمال كيوبريك المشهوره متحمس جدا لذي التجربه ومتأمل فيه

عن الفلم
أنا أبدا مب معجب بأفلام الحروب ومب جوي لكن ذا الفلم استثناء فلم ممتع جدا حوارات للتاريخ شخصيات تاريخيه وأداءات خارقه خصوصا من البطل الإخراج اسطوري كاعادة كوبريك الساوند اخخ والساوند💔😢مشهد المحكمه العسكري من اعظم المشاهد في التاريخ أنا هناك صحتنقصت نص نجمه لانه حسيت ان الفلم ماعطى  بعض الشخصيات فرصه كافيه للتطور كانو يستاهلون وقت اكثر من التركيز على جانب واحد اما الباقي مليون من عشره

والله اني كنت محتاج ذي الRewatch  مره مره مره 
لان الكلام الي قلتها في الرفيو الاول ماله معنى  وكان تافه ومدري كيف نقصته نص نجمه لكن الحين بقول الي بخاطري واشوف وجهة نظري لأعظم الافلام في التاريخ 
الفلم هذا مايعتمد  عن قصه وحده لكن كل مشهد تحس له نكهه خاصه الافتتاحيه الي في الفلم حوار تافه صحيح مهم في النهايه لكن تقول تافه وش ذا لكن من اول ماخلص  كنت متاكد بعطيه العلامه الكامله من متعة الحوارات

الحوارات
اووف والمتعه ممكن يجي لك حوار عشرين دقيقه على برقر لكن بتكون اعظم عشرين دقيقه في حياتك بتمر في ثانيه  وتكون ممتعه ممتعه ممتعه وذا ذكاء تارنتينو في الحوارات وسردها القصصي الغريب   وكمان حوارات فينسيت و  ميا كان عظيم صح تافه لكن ممتع  وميا كانت كاريزما وبرجع لها بعدين باختصار الحوارات كان عظيمه وممتعه جدا صحيح ان تارنتينو زود السب لكن كان خيالي

الإخراج

تجبر تارنتينو في اخراج ذا الفلم العشوائي والغريب في ذاك الوقت لكن ببقى صريح تارنتينو في الكتابه افضل والحوارات كانت اعظم شي في الفلم

ثنائية فنسيت و صامويل ال جاكسون
ياعيال وش ذا حرام كلمة كمستري بينهم اكبر من ذي الكلمه والله  للتاريخ ذي الثنائيه المشهد الي في بيت تارنتينو حسيته حقيقي حسيتهم أخوياء متورطين مع بعض  ومشاهد كثير كانت حلوه بينهم وتاريخيه توب 3 دو في ألأفلام وبجدارة 

حرق بسيط 🔥 
مشهد الي في السياره يوم فنسيت بالاغلط قتل مارفين ياني ضحكت ضحك ضحك ضحك 😂💔 وقفت الفلم عشر دقايق وانا اضحك وتعابير الممثلين زودت المشهد ونبرة صامويل ال جاكسون اول مايتكلم افطس ضحك سواء هنا او في الافلام الثانيه😂 اكثر مشهد ضحكت فيه ممكن في حياتي كيف تارنتينو يجيب مشهد دموي واضحك فيه حسيت نفسي شرير في ذيك ألحظه اخخ😂😂

ثنائية فنسيت وميا
ليه ياتارنتينو ليه والله كانت من اعظم لحظات الفلم ذيك النص ساعه كانت تاريخيه  كاريزما مو طبيعيه من ميا ظهورها بسيط لكن اول ماتظهر تخطف الأضواء من فنسيت وبجداره مشهد المطعم والي بعده رقص  والله وتالله من اعظم المشاهد في التاريخ اما عن الأداء بتكلم عنه جايك جايك

الأداء الخارق على الطبيعه
صامويل ال جاكسون : أنا لين الان مستغرب ليه مافاز بالأوسكار ذا الإنسان يابني لو يسكت بس طول الفلم  تعابير وجه لحاله تخليه يأخذ أوسكار نبرة صوت مت ضحك 😂اعظم اداء في الفلم
جون تارفولتا: مايقل أبدا عن فنسيت بالعكس كان عظيم عظيم ومره ثانيه مشهد السياره تجبر فيه وكان تاريخ روعه الاداء
أوما ثرومان: اخخ يالكاريزما العظيمه مره ثانيه ضهور بسيط لكن كان عظيم مشهد المخدرات ممكن تقول عادي لكن والله مب عادي إنها أتقنته بشكل وملامحها كانت قويه وتثبت أنها حقيقيه  لو تارنتينو كملها زياده في القصه بيكون افضل 

الساوند وتوظيفه كان رهيب مره😂🔥 ويجي في أوقات ضحك مثل مشهد الرقص اخخ 

العشوائيه الي كنت اظنها اول مره صارت الحين هي السبب اني عشقت الفلم من ترابط قصه والشخصيات  وان كل شخصيه  تمشي في عالمها وتصدم ببعص كان عظيم وذكي

مدري وش احس يوم كنت اقول  the hateful eight انه اعظم فلم وبفارق هو عظيم لكن ذا تعداه وبفارق وبفارق وبفارق







You know  what they  call a quarter pounder with cheese in Paris?


Thay call it a royale with cheese 

ماكنت بشوفه اليوم كنت مخطط اتابع أمريكان هستري  لكن كان فيه مشاكل في التطبيق  وكان القدر يبيني  أشوف العبقريه  ذي
فلم غير عن كل الافلامقصه بالبدايه شكله بسيط مجموعه مشتبه بهم يتجمعون في مرمز الشرطه يسوون جريمه  وبعدين نشوف حقيقة القصه 
الحوارات والأداء التمثيلي من اعظم مارايت من الحوارات الذكيه الي توترك والأداء من كيفين سبيسي عظيم حتى البطل وباقي 
الشخصيات  كلهم أداءهم عظيم وتعلقت فيهم كانهم اهلي

حرق 🔥 🔥 

من اول الفلم وانا شاك  توقعت التويست اكيد بتوقعه جبت الف تويست أصلا في عقلي😂💔 لكن مب بذا الذكاء الي شفته النهايه العبقريه الذكيه خلتني اشك بالكل طريقة كيفين سبيسي في رواية القصه وهو يلفق الأحداث  من اشياء حوله في غرفة التحقيق عبقريه ويوم طلع من المركز ومشى طبيعي وضحك على ابو المحقق الي معاه  لحظة صمت  صدمة ضحكه  قهر وإعادة القطه من جديد And like that… he’s gone

النهايه من اعظم النهايات في تاريخ السينما المفروض تدرس في الجامعات صحيح ماعطيته العلامه الكامله لان القصه ماشدتني مره من البدايه  لكنها مثل النبته تنمو كل دقيقه لين توصل للنهايه وتصفق لك بعقلك وعيونك
تحفه ذكيه  ومخادعه وممتعه وتستحق كل المدح الي جاه












 (اعظم خدعه قام بها الشيطان هيا إقناع العالم بانه غير موجود )

الفلم الاول لبيرقمان بالنسبه لي وأول مشاهده كانت صادمه شفت الفلم ورجعت عدته على طول ماكنت فاهم شي رحت اشوف له شرح
بس محد شرح لي زي مابغى فرجعت أعيده وبعد الاعاده كل شي بدأ يفتح قدامي اكتشفت اشياء كثير ماكنت فاهمه وفهمت المغزى بعمق
بيرقمان في هذا الفلم يسحبك لعالم نفسي معقد وعميق حوارات متمحوره حول مفهوم القناع ليخفو خلفه وجوههم الحقيقيه إليزابيت بطلة الفلم صامته مب عاجزه عن الكلام  الما ممرضه تساعد الناس وترعاهم لكن يتغير شي بلحظه الما تعتني بالممثله إليزابيت لكن الدكتوره تقول انهم يروحون بيته عشان تتغير نفسيتها وهنا تبدأ القصه

حرق طويلقريت على المخرج ويقولون انه يبني الشخصيه ويهدمه مثلا الما ممرضه تعتني باليزابيت لكن يوم راحو بيت الدكتوره صار العكس الما تتكلم عن اسرارها وإليزابيت تسمع وتحلل وترسله للدكتوره صار عكس شي بس السؤال المهم 
ليه إليزابيت صامتهالسبب هو  سبب من اختياراتها كنوع من الحمايه والهروب من الواقع والدكتوره عرفت ذا الشي وأيدتها بدال الانتحار
نشوف يوم جاء زوج إليزابيت بعد فتره طويله عن إليزابيت الما تكلمه كانّها زوجته استغلت الوضع وكانّها هي عندها ولد وهي متزوجه وهي إليزابيت وذا السؤال الثاني
هل هم نفس الشخص؟سؤال معقد وغريب وفيه كم حوار تندمج الاوجه وكانّه شوي واضح لكن  على حسب همي وقرائة مايفكر فيه المخرج انهم لا مو نفس الشخص المخرج في افلامه ماجيب شي خيالي كل شي واقعي حقيقي وذي نقطه مهمه ومو متاكد منها ممكن تكون أشاعه لكن المشاهد يشوف كل شي خيال وليه تندمج الاوجه لو مو نفس الشخص لانه الما او إليزابيت تكمل الثاني فيه وحده لقت الثاني وكانهم مكملين لبعض وفيه مشاهد توضح ذي الأشياء 

ماعاد فيه حرقالفلم نفسي معقد صعب الفهم  لكنه عميق وواقعي ويتكلم عن النفس البشريه والقناع  باختصار وذا اسم الفلم ومعناه
لازم الشخص يشوفه وهو مروق ونصيحه اعتمد على الاعاده لا شرح ولا شي
عجبني

أنا وش مشكلتي مع البدايات حتى هنا ماندمجت أبدا حسيت نفسي غريب وسط فلم يحاول يعيد نفس هالة الجزء الاول لكن مو مثل السحر
الفلم مو سيء ولا هو تاريخي مثل الاول لكن يظل عمل جيد ببعض الجوانبالقصه احس فيها تمطيط واضح كانهم  يحاولون يصنعون تعقيد اكبر من اللازم واحيانا بدون فائده كثير من المشاهد حسيتها كلام كثير بدون عمق فعليلكن رغم هذا فيه  اشياء كثير عجبتنيقصة الحب بين نيو وترينيتي كانت صادقه وقويه الساوندتراك كان نار ضارب على الجو والشخصيات خصوصاً نيو وموروفيس لسا محافظين على حضورهم وكاريزمتهم اما آخر عشرين دقيقه حرفيا تاريخيه رجعتني لحماس الجزء الاول الاكشن التوتر النهايه الغريبه ومب متوقعه هنا حسيت اخيرا ان  الفلم صح صح إخيرافي الاخير الفلم كان جيد وأعلى بشويه  لكن اقل من الاول بمراحل لكن مازال فيه لمحات عظيمه
فيه اخطاء كثير ثانيه لكن ماذكرتها

لو تبون الصدق  اول ساعه من الفلم ماكنت مركز  القصه ماشدتني وكنت اقول متى يخلص ذا العفن لكن الساعه الثانيه  فجأه دخلت عالم ثاني  اندمجت وتحمست وانا ماني فاهم مره

الخيال العلمي مو دايم جوي والاكشن أبدا مو جوي بتخطى نقطة المشاهد الهنديه لان ذا عالمهم ذا حقيقي عندهم مو مثل kill bill البطله تقتل 50 واحد😂💔
عالم غريب بطريقه ماشفتها تحس انك عايش في مكان غريب شي مو مفهوم 

لكن شفت له شرح وبدات اربط التفاصيل ووقتها قدرت عظمة الفلم شي تاريخي فعلاالي ضحكني ان مشاهد الاكشن تجي بعد حوار قوي وأنسى الحوار أصلا😂 بس مايهم لان كل شي في الفلم تخليك  تعيده وتشوفه من جديد

نيو اسطوري عظيم كاريزما مو طبيعيه

والخال احترمته اكثر من عمي شريف


القصه شفنا الف فلم مشابه لها وعن تجربتي ربطت كثير افلام مثل inception وشوي من دون بس ذا الأصل الجذور 










وفعلا لاتستغرب  احفاد أحفادك تلقى حياتهم كذا😂💔

والله رهيب  شخصية مارتيني رهيبه مره ضحك ضحك 😂
الفلم ناقش  اشياء كثيره حقيقيه وواقعيه  مع اداء خورافي من الممثلين 
كل الممثلين الي في الفلم يستحقون أوسكار والأخص مارتيني ضحكت 😂 وللامانه اول مره اصير عنصري في فلم مع السود ذوليك يانهم قهروني هم والممرضه لكن شي ثاني متكامل متكامل اداء قصه  حوارات كل شي كان عظيم  النهايه مافيها غلط عادي لكن لو عدلوها عشان ماصيح بيكون احسن🙏😚





تفو على ابو المستشفى

اول شي أنا اعتبر نفسي من شبيحة هانيبال الي في المسلسل وكنت واثق اني بعجب بالفلم وذا الي صار
من اكثر الافلام الي أجلتها من دون سبب لكن طلع واحد من اعظم التجارب السينمائية الي عشتها المخرج جوناثان يخلق توتر بشكل عبقري كل لقطة كل نظره  كل صمت كانت محسوبه شخصية هانيبال الدكتور هانيبال ليكتر 🐐 يالهي😂 16 دقيقه فقط كان من اقوى 16 دقيقه عشتها في  حياتي انتوني هوبكنز مأخذ الأوسكار عبث اداء خورافي مرعب ساحر ذكي عجيب ذا الممثل البطله يأنه أسطوريه بشكل تمثيل حساس قوي جدا بنفس  الوقت القصه  عظيمه السرد  رائع الفيلن بآفلو بيل  مريض نفسيا مرعب ومخيف وأداء مقنع من الممثل ونهايه من اعظم مارايت
ليه ماعطيته العلامه الكامله
اول شي لانه فلم المنتهي المفضل الجحش كرستيانو ثاني شي اول 30 دقيقه ماربطتني الحبكه لكن بعد كذا اووف والعظمه 
ومع كل هذا هانيبال المسلسل الي أداءه  مادس ميكلسن افضل بمراحل من الفلم إلي اداءه انتوني هوبكنز

شفته من اكثر من سنه   وعدته ومستغرب كيف عطيته 4.5 ؟ حرفيا فلم مب ناقصه شي للكمال
فلم درامي عصابات مر بسرعه اسرع ساعتين في حياتي والله الفلم ناقش مواضيع كثير مثل العنصريه ولوين توديك والحب والوفاء ودي نيرو وش ذا شريف بزياده وسوني حكيم مره والابن عاق  يبي له تربيه  لكن ماراح أنسى الفلم عمري ونهايته صدق فلم اثر فيني وبشده ودي نيرو ماستمر في الإخراج لان ماينفع يكون قوت في التمثيل والإخراج🐐🐐

It’s not your fault 
أنا ماذكر متى آخر مره شفت فلم بهالكم من  الكمال والدراما العاطفيه الي توصل قلبك بدون ماتطلب إذن ممكن يكون أكثر فلم حرك مشاعري وخلاني أوقف وأفكر بحياتي فلم عرض علاقات ويل بشكل مؤلم وجميل بنفس الوقت علاقته مع الدكتور علاقته مع اخوياه علاقته مع حبيبته وعلاقته مع أستاذه شخصيه ويل عبقريه شاب ذكي عبقري عنده ماضي ثقيل مؤلم يكسر الظهر ابن بالتبني متعرض للعنف لكن رغم كل شي عنده عقل  يسبق عمره بسنين يقدر يحل اي مساله لكنه مايبي يعيش حياة احد يرسمها له يبي يكون هو بكل فوضته بخوفه بحقيقته
وهنا في ذي النقطه حسيتحسيت انه عني مدري كيف اشرح لكن كاني اسمع كل كلمه تقول لي أنا أفهمك حسيت ان الفلم مكتوب لي صنعوه لي
 اما شون شخصية الدكتور الي لعبها روبن ويليامز شي ثاني شخصيه ثقيله معقده مليانه مشاعر وندم ويشوف في ويل نسخه مصغره  م ذي وحده  من اقوى العلاقات الي اثرت فيني It’s not your fault  المشهد هذا انكسرت فيه 
الحوارات واو كتبوها ابطال الفلم مات ديمون وبن أفليك وحطو فيها روحهم بالكامل
والأداء روبن ويليامز فاز بالأوسكار عن دوره وبدون مبالغه لو شفت له افلام ثانيه  ممكن يكون ممثلي المفضل مات ديمون اخخ كل مايتكلم اصيح💔 ابدع  مايقل عن روبن
 الموسيقى والأجواء كلها تركب على بعض وتعطيك تجربه ماتنسى
النهايه ضحكت فيها صحت سويت كل شي شعرت فيه
انا متاكد إذا عطته بيكون افضل فلم شفته في حياتي وفي النهايه

This movie finished me

وصحّى شي في داخلي كنت ناسيه

 ايه نعم عدته امس  وعدته اليوم وممكن يكون روتين يومي
أنا ماعاد اقدر أوصف الفلم  إلا النهايه الي سببت لي رعب  في المشاهده الأولى ممكن هذا اكثر فلم اصيح فيه وممكن ذي افضل نهايه في التاريخ  خلاص خلاص أنا ماعاد اقدر اتكلم

الفلم الأقرب الي قلبي وفلمي المفضل دائما😞❤️

City of stars ✨ 
are you shining  just for me?

City of stars💫
There’s so much  that I can’t see💔

مزاجي مب بافضل حال اليوم فعدت فلم لتعديل المزاج وتخربيه بنفس الوقت ياكثر حبي للفلم ودفاعي عنه  💔

والله الي مايعطيه 5  عنده مشكله في ذوقه صحيح اذواق لكن هنا مافيه اذواق

والنهايه طبعا صحت مثل البزر  اخخخ بس💔💔💔💔

للامانه مافيه كلام براسي غير اداء براد والشخصيات 
القصه موجوده في عنوان الفلم والحوارات طويله  والنهايه تحس ان كل الي سووه ماله معنى لكن اداء براد هنا غير نظراته فقط والله مرعبه اداء مرعب وقوي واعتبره اعظم اداء لبراد الفلم مو سيء لكن شبه ممل ممكن في الأيام الجايه أعيده وتتغير نظرتي عليه

انتهيت من براد بيت وشفت له إلافلام مظلومه وكان أداءه عظيم فيها واحس اني كنت ظالمه الفتره الي راحت يوم كنت اقول عنه  منفوخ لكن صدق يستاهل كل الضجه الي الي عليه لكن 

يبقى كريستيان بيل وليوناردو الأعظم في جيلهم يخسي براد

دخلت الفلم وانا متوقع اني بكرهه طلعت احبه اكثر من نفسي يعني وش ذا واحد  يولد عجوز ويصغر مع الوقت؟ كنت اقول وش هالسالفه اكيد بيطلع استهبال او قصه فارغه تحاول تكون عميقه لكن من اول ربع ساعه عرفت اني بدخل في تجربه استثنائية 

 الفلم مو عن عمر ولا عن المرض  ولا حتى عن زمان
هو  عن انسان عن الحب الي مايعرف من  الأكبر ومن الأصغرعن الخساره الي تجي حتى لو عشت حياتك بالعكس الحظات الصغيره الي مانتبه له إلا يوم تكون ذكرى

 براد بيت قدم واحد من أنعم ومن افضل أداءاته كيت بلانشيت كانت قصيده تمشي كل مشهد لها كان يوصل الشعور  بدون  ماتتكلم والإخراج ديفيد فنشير كان مختلف الي يعرف افلامه يعرف دايم انه يمشي على خط بارد قائم و منطقيلكن هنا دافئ شاعري رومانسي كاننا نشوف شخص ثاني لكن اكيد فيه  تويستات في النص ماتوقعتها 

الساوند تراك صدق يخلي قلبك يوقفالمشاهد خياليه  حزينه دافئه كل شخصيه مرت بالفلم كان لها اثر حتى الي طلعو دقيقه
الفلم طويل؟ ايه يمكن فيه مشاهد كان ممكن تنقص لكن لما خلص  حسيت ان كل دقيقه كانت تمشي مثل النبض مابيها تنتهي

أنا إنسان اعشق الافلام الرومانسيه إذ كانت مكتوبه ومصنوعه بعنايه وذا الفلم من افضل التجارب الرومانسيه في حياتي ضحكني بكاني تركني ساكت دقايق بعد النهايه مو مصدق اني عشت ذا كلها في ساعتين ونص النهايه قاتله تبكي بدون ماتتكلم


هذا فلم مانساه
مو لان فكرته غريبه بس لانه لامسني خلاني اتأمل في الحياه وفي العمر
وفي الناس الي نحبهم ونفقدهم ومع هذا نضل نحبهم
عجيييب

والله نسيت ابو التقييم ياعيال اهلي واسيا ماتجي!
اما عن الفلم للامانه ماكنت متوقع يكون بذا المستوى لاني كنت ناوي اقفله اول نص ساعه لكن قلت أعطيه فرصه وعجبني تعلقت بكل الشخصيات وبكل الممثلين الحوارات عظيمه وداء براد الي متاكد بيكبر بعيني ذي الفتره فلم ماقد شفت احد يتكلم عنه واشوف انه يستحق الكلام والتطبيل لسا ماجاه فلم تاريخي ويستحق المشاهده

قبل مادخله  اعرف ان فيه عشوائيه لكن مو لذي الدرجه

والله ماني فاهم شي بس ممتع للامانه

كل الأغاني الي في التيك هنا وتوظيفها كان عظيم 

والأداء كان تاريخي من كل الممثلين وبالأخص براد بيت متغير عن باقي افلامه 

فلم ممتع ويستحق المشاهده  واحس اني ظالمه

ذي الفتره بتابع افلام براد المظلومه اقترحو لي واحد

وش الي شفته 😂 يعني ماتوقعت أبدا انو يكون مثل الاول والثاني لكن 
متقارب وممكن افضل يعني مو طبيعي اي لقطه اضحك 

سلسله عظيمه ممتعه ماراح تتكر

ذي السلسله تتقارن  ب thegodfather  ولورد😂💔

يعني توقعت بيكون اقل من الاول لكن لا نفس المستوي 

ولين الحين أموت ضحك 😂💔

انا كيف كنت مقيمه ثلاثه ؟😂 يعني حرفيا ذا الفلم الي يستحق خمسه

والله مدري على وش اتكلم والله ضحك ضحك  عطيته ثلاثه يعني اني محنك ومايعطي افلام كوميديه تقييم عالي

  وطلع ذول الي يستحقون تقييم 😂 والله دو مضحك   ياخي قصه رهيبه وممتعه وكوميديه وش ابي زياده 

والله ياني متحمس للجزء الثاني والثالث بشكل لين الحين ماشبعت ضحك 😂

الصراحه كنت ناوي أوقف الخمسات الفتره الجايه لكن قدام ذا عجزت 

حوارات من ذهب شخصيات ترسخ في الذاكره والتويست لحاله فلم ثاني من كثر ماضحكني دراما وكوميديا مب مباشر تحسها تتناسب في الهواه وانت تلقطها

الافتتاحية والنهايه؟ مستحيل تتوقعهم وكلهم يخلونك تقول وش قاعد اشوف

الأداء التمثيلي؟ لحضات بكاء لحضات سعاده كلها متقنه

التصوير؟ تاريخي ذكي يخدم كل مشهد ويعزز كل كلمه

الفلم ملغم حوارات عظميه خالي من الأخطاء ويستحق كل تقييم إيجابي جاء له

مع رابع فلم مع بيلي  وثالث فلم يأخذ العلامه الكامله😂 اقول

أنا عشقت بيلي وايلدر

احترت بين 5 و 4.5  لكن عطيته 4.5 لان الفتره الاخيره قاعد أوزع خمسات فقلت اخفف شوي

فلم فلسفي عميق مليان حوارات عظيمه شخصيه رئيسيه  تدرس   وأداء يخليك تعيش كل لحضه 

اول تجربه لي مع كوروساوا وكانت تاريخيه من النوع الي يخليك تتحمس تغوص اكثر في افلامه

شفت فلمين من السينما اليابانيه وبصراحه متخوف أكمل عشان ماياخذون كل الحب لباقي السينمات

بالنسبه لي الفلم 5 من دون نقاش ممكن ارجع أقيمه  بعد فتره مافيه  غلطات واضحه إلا ممكن كم حوار ماكان له داعي 

غير كذا تجربه نار وخلتني اصيح

مع اول تجرّبه لي مع السنيما اليابانيه ماخذلتني وشدتني للأفلام القادمه
فلم درامي مبكي  عظيم  فلم عن الكرامه لما تكون أغلى من الحياه
النهايه بحاله تكسر القلب كيف رجال خسر كل شي لكنه ماخسر نفسه 
هانشيرو كسر نظام كامل كله مبني على الكذب والجبن
مشهد النهايه يوريك انك تقدر تنهزم جسديا لكن تبقى منتصر اخلاقيا
الفلم درس عن الشرف والكرامه فلم مايطلع من بالك أبدا

محتار وش اتابع فلم ثاني من السينما اليابانيه

كنت  داخل الفلم بدون اي توقعات كبيره قلت غرفه واحده وثلاث ساعات؟ اكيد بمل

لكن عشت وحده من اعظم التجارب السينمائية 

الحوارات نار الشخصيات كل وحده تقول الزود عندي السرد القصص اسطوري وصامويل ال جاكسون؟ بحاله فلم ثاني بالضحك والحضور

المشاهد كانت موزونه بشكل ذكي وكل فصل افضل من الي قبلها بالأخص الخامس والأخير إلي استمتعت فيها شي للتاريخ

فلم يحطك وسط العاصفه يخليك تشك  بكل شي وكل لقطه محسوبه بحبكه سينمائيه عظيمه من تارنتينو

خلق جو من التوتر كان عظيم   كل كلمه كل نظره كل لحظة صمت كانت تزيد التوتر بشكل تصاعدي

تجربة فاقت توقعات متعه ترقب حوارات تخلد ونهايه مكتمله  مثل الختم الذهبي 

افضل فلم لتارنتينو وبفارق

اساساً ماكنت مخطط اشوف الفلم لكن دخلت عليه بالصدفه واتفاجأت من العبقريه الي شفتها
 سكورسيزي دخلنا عقل جاك درس شخصيته بعمق نفسي  مو طبيعي ذا مو بس فلم ملاكمه ذا فلم نفسي أكثر من كونه رياضي
أشوف من افضل الافلام إخراجيا التصوير عظيم 
أصوات الحيوانات وقت القتال السلوموشن الحقيقي الي يخليك تحس بالضربه  مثل مايراه جاك
نفس أسلوب تاكسي درايفر مايراه ترافيس و ول ستريت مايراه جوردن 
سكورسيزي عبقري ومستحيل يطلع بفلم عادي لازم يحط لمسه تخليك تعطيه العلامه الكامله
 وبعد ذا الفلم أقولها بثقه سكورسيزي افضل مخرج أنجبته السينما

 في زحمة اليل يمشي وحيدا
يحمل رأسه كانه بندقيه

 والشارع مراته المشروخه
يرى القذاره فيحلم بالنار

صوته الداخلي لكنه صداه صارخة
غريب بين مجموعه لايشبههم

بيني عالما من دخان
وينتظر العاصفه لتغسل كل شي

هل هو المخلص؟ ام الضائع
هل هذا جنون ام وضوح نادر؟
في عينه سؤال واحد.

 هل ترى ماتراه

ماعدت الفلم لاني نسيته ولا اني حبيت بس أرجع له عدته عشان أقارن رايي بتقييمات بعض النقاد الصغار

وطلعت النتيجه ؟  فعلا أطفال 

الفلم عظيم عميق فيه رمزيات وتغيير الألوان بين مشهد والثاني مو عبث لاحضته من اول مشاهد 
دون ماشوف له اي تحليل

 التصوير تقريب الكاميرا البدايه الي تلمح للنهايه الي هي النهايه بنفسها تخليك تشك 

بأعظم شخصيه بتاريخ السينما ترافيس بايكل

هذا الفلم الوحيد الي أدافع  عنه كانه ولدي

ويا اطفال فكونا من تقييماتكم والله الفلم اكبر من عقولكم 

ياساتر كم ضحكت في ذا الفلم هههههههههههههههه 

قصه عظيمه وشخصيات مضحكه  مدري متى آخر مره ضحكت كذا 
 ومشهد السيكل يوم يلحقه ويوم راحو اليخت ضحك هههههه 
ويوم تنكر انه مليونير  اكثر مشهد ضحكت فيه 
والنهايه ياساتر اخخ والضحك هههه

ماكنت متوقع أبدا يكون بهل قوه تجربه عظيمه من اعظم التجارب الي عشتها موخراً 
التمثيل كان عظيم والحوارات مكتوبه بعنايه والساوندتراك  خورافي حرفيا
كل شخصيه اخذت حقها وانبنت صح وكل لحضه كانت محسوبه 
والنهايه وحده من افضل النهايات الي شفتها وخلتني أعيد حساباتي

 أعطيه 4.5 حاليا ويمكن ارجع له واخليه 5

أنا كيف أجلت ذي التحفه كل هالوقت؟

 فلم ممتع بصريا مثل كل أفلام داميان والساوندتراك مريح بالأذن بطريقه مو طبيعيه

داميان عنده اربع آفلام تابعت ثلاثه وكلهم خمسه

 مخرج مايقل عن المخرجين الكبار وأعتبر من افضل المخرجين في العصر الحالي

مارقوت روبي اداء تاريخي شي  يفوق الوصف

براد بيت شخصيته هنا تدرس

حتى المكسيكي كان عظيم وشخصيه دراميه وممتعه جدا

 ومشهد النهايه يخليك تصيح وانت ماتدري

يوريك كيف الشهره والرزق تجي بسرعه وتضيع منك بنفس السرعه وكيف تتعب عشان تحافظ عليها

 تجربه خرافيه تستاهل كل ثانيه

وش الي شفته ياساتر والعظمه الي شفتها

 مدري متى آخر مره استمتعت كذا  ومتحمس لكل لقطه شخصيه تيموثي رهيبه كاريزما نهايه احداث شخصيات حوارات سينماتغورافي ساوندتراك اخراج كل شي كامل

 أنا كنت متوقع انه بيكون افضل من الجزء الاول لكن ماكنت متوقع يكون بذا العظمه الي شفتها 
الكاريزما في المفارسه هو وجمال ياساتر صدق واحد من اعظم المشاهد في التاريخ 

أنا  مصدوم ماعاد اقدر اتكلم  وش يخليني انتظر ل 2026
 

فضيحه ان الفلم الاباحي انورا يفوز   عليه بافضل فلم 
والفضيحه الأكبر ان المخرج دونيس ماترشح للأوسكار 

كامل والكمال لله

أنا اعتذر عن تقليلي لهذا التحفه الفنيه فلم يعطيك شعور غريب جميل
اداء توم هانكس وتجسيده للدور الي اخذ عليه أوسكار ويستحقها

الأغلاط في الفلم مو كثير 

 نفس مشكلتي في المشاهده الأولى تطويل الأحداث او ساعه كانت سريعه ومليانه مشاعر لكن الساعه الثانيه كان فيها تطويل لبعض المشاهد   وتمطيط والتكرار لكن مانكر انه جاني شعور جميل وانا أشوفه واعتذر عن التقييم الي عطيته في المشاهده الأولى 

لكن  بلب فكشن و شاوشانك افضل في ذيك ألسنه

تابعته لاني متحمس للجزء الثاني وماكنت متوقع اني أعطيه اربع نجوم
لكن يستحقها وبجداره  واحد من أمتع الأفلام الي شفتها وسينماتغورافي خياليه
مع شخصيات ماكذب عليكم تعلقت بكل الشخصيات في هذا الفلم  مافيه اي شخصيه كان سيئه او ماخذت حقه
اول ساعه ماكنت مهتم وكانت ثقيله علي وطويله لكن الباقي حرفيا 10/10 وتطور رهيب لشخصيه تيموثي 
والنهايه وحده من افضل النهايات الي شفتها 
والحماس الف للجزء الثاني

صراحه ماكنت متحمس أكمله ولاكنت متوقع أعطيه 5 نجوم 
بس الي شفته قدامي كان فلم نادر من نوعه ماراح ينعاد ولا يتكرر

تسلسل احداث كان عظيم

الحوارات خورافيه وحمستني

الأداءات شي ثاني وكل شخصيه اخذت حقه وأكثر 

 فلم رومانسي عظيم فاق كل توقعاتي ومستحيل أنساه 

يستاهل الواحد يعيده اكثر من مره بدون لا يمل

تتغير حسب المزاج

1. GoodFellas
2. Oppenheimer
3. Taxi Driver
4. La La Land
5. Cinema Paradiso
6. The Godfather Part II
7. Good Will Hunting
8. Eyes Wide Shut
9. Barry Lyndon
10. Amadeus

...plus 10 more. View the full list on Letterboxd.

الأعظم في المجال مخرجي المفضل ولن يأتي مخرج بنفس مستواه 

The greatest of all time  🐐 

1. GoodFellas
2. Taxi Driver
3. The Wolf of Wall Street
4. Shutter Island
5. Raging Bull
6. Casino
7. The Departed
8. The King of Comedy
9. After Hours
10. Gangs of New York

...plus 1 more. View the full list on Letterboxd.

يخرب بيته كل افلامه عظيمه

1. Eyes Wide Shut
2. Barry Lyndon
3. A Clockwork Orange
4. 2001: A Space Odyssey
5. Dr. Strangelove or: How I Learned to Stop Worrying and Love the Bomb
6. Paths of Glory
7. Full Metal Jacket
8. The Shining

شخصيات مالها دخل في الأداء

1. Taxi Driver
2. The Godfather Part II
3. There Will Be Blood
4. The Dark Knight
5. The Godfather
6. The Silence of the Lambs
7. Django Unchained
8. Inglourious Basterds
9. Barry Lyndon

1. There Will Be Blood
2. Taxi Driver
3. The Godfather Part II
4. My Left Foot: The Story of Christy Brown
5. The Wolf of Wall Street
6. The Dark Knight
7. The Godfather
8. Inglourious Basterds

1. Oppenheimer
2. Babylon
3. The Batman
4. Dune: Part Two
5. The Father