ياريت كل المشاكل اللي في الدنيا زي مشكلتك

شوية فلوس و فالاخر هتتحل

صحيح ان الازمة المادية اللي بتمر بيها هي اللي وصلتها لكوكتيل المواقف اللي بتمر بيها إلا ان حقيقية مشكلة غادة هي ضعف نفسها و عدم ثقتها انها فعلاً تجاوزت الحياة اللي كانت عايشها و انها فعلاً تابت و ان ربنا ممكن يسمحها
اكتر مشهد بيوضح حقيقية مشكلة غادة هو مشهد الميتنج بتاع البار لأنه علي الرغم من اهمية الميتنج ده لغادة -لانه ممكن يوصلها للفلوس اللي هي عاوزاها- إلا انها مكنتش مركزة في كلام صاحب الارض خالص و كانت مركزة مع الاجواء اللي حوليها... بتبص لكل حوليها بضعف و اشتياق... أداء منى زكي في المشهد ده خلنا نسمع الشيطان و هو بيوسوسلها من خلال تعبيرات الوش و النظرات بس... مشهد بسيط لكن مؤثر جداً

برغم أن الفيلم مفيهوش فلاش باك او منولوج إلا ان ماضي و مشاعر كل شخصية متقدمين كويس جداً من خلال الحوار العبقري
كل الثنائيات التمثيلية بين منى زكي و باقي النجوم كان ممتازة لدرجة أني مش قادر احدد أي ثنائية فيهم كانت الاقوى (كان نفسي في مشهد كمان لشيرين رضا)

في نهاية الفيلم بعض القرارات اللي غادة اخدتها مكنتش مفهومة قرار منهم لما بيتكشف خلى دماغي تعمل 404 😂... مش قادر الوم الفيلم علي ثغرات السيناريو لان واضح انه مقصوص منه كتير -منهم لله ولاد المتسخة- علشان كده هقييم الفيلم بعلامة كاملة ⭐⭐⭐⭐⭐
حج مبرور و ذنب مغفور يا غادة ❤️