Adham Elsaraf’s review published on Letterboxd:
واو
الفيلم يستاهل فعلا الهايب اللي معمولة علية
من المرات القليلة في الفترة الاخيرة مكنش عايز فيلم يخلص و محسيتش بولا دقيقة ملل رغم ان الرتم كان هادي في بعض الاحيان لكن في المجمل تجربة مبهرة علي اعلي مستوي
مش لاقي كلام اقولة يوصف التحفة الفنية دي الا ان هو كان علي سقف توقعاتي و يمكن اعلي كمان علشان كدة الريفيو هيكون سطحي شوية لأن لساني عاجز عن التعبير
الجزء الاول يعتبر لعب عيال بالنسبة للجزء دة
الفيلم مش بس واحد من اعظم افلام العقد دة واحد هيبقي من ضمن افلامي المفضلة و معرفش هل دي مبالغة ولا علشان مش قادر استوعب اللي حضرتة في السينما
دينيس فيلينوف كسر كل التوقعات و كسر بكل حوائط العرض و قدر يقدم لنا ملحمة فنية عظيمة و ايديتينج و سينماتوجرافي و اخراج و مستوي بصري و معارك حربية انا مشوفتهاش في حياتي من ساعة ما ابتديت اتفرج علي سينما (الفيلم لازم يتشاف ايماكس) و حقيقي الراجل دة هو اللي هيقود الصناعة الفترة اللي جاية لو فضل يقدم لنا حاجات بالمستوي دة..نجح انة يقدم لنا عالم نعيش فية و نرتبط بيه و دة حسيتة اكتر من الجزء الاولاني بكتير و دي حاجة تحسب لة جدا انة كان بيمهد للعالم دة و كم الصراعات اللي بتدور فيه علشان يخليك ترتبط بيه اكتر و اكتر حقيقي فيفا سينما !
عايز اقول حاجة سايد نوت السكور بتاع الفيلم كان عالمي احلي من الجزء الاول في كام مشهد معينين كنت مركز مع السكور اكتر من الكونتيكست نفسة و كل الفضل يرجع للعظيم هانز زيمر..
اداء كل الممثلين بلا استثناء هايل مفيش اي غلطة بس بالأخص اوستن باتلر اكل بقية الكاست اللي معاة و حقيقي موهبة فزة نفسي اشوف ظهورها كتير الفترة اللي جاية و قد اية انا كنت حابب كل ثانية من ظهورة
قصة و كتابة ممتازين..فية صراع واضح..فية قصة واضحة..فية اتجاه كان واضح في القصة..كاركتر ديفيلوبمينت هايل لبول اتريديس دينيس فيلينوف فصل الشخصية كويس جدا..اية الصراعات النفسية او اية تسلسل الاحداث اللي خليت بول اتريديس يوصل للنتيجة دي (مش عايز احرق) الناس تشوف بنفسها احسن..نهاية قوية للفيلم خليتني اكون متحمس للجزء التالت و عايزة ينزل الشهر اللي جي مش السنة اللي جاية حتي اللي هو واااو
تجربة استثنائية اعتقد صعب انها تتكرر تاني السنين اللي جاية او لحد الجزء التالت..ملحمة استثنائية..هعملة ريووتش تاني ايماكس في اقرب فرصة..الفيلم لازم يتشاف ايماكس مينفعش يتشاف بطريقة تانية لأنها هتأثر في تجربة المشاهدة..ڤيڤا سينما (:
